Քաղաքական15:37, 07 Հուլիս 2022
Բինալի Յըլդըրըմ. «Ղարաբաղի խնդրից հետո Կովկասում բոլոր երկրները արդեն պիտի համախմբվեն»
Թուրքիայում իշխող «Արդարություն և զարգացում» կուսակցության փոխնախագահ Բինալի Յըլդըրըմը և ներքին գործերի նախարար Սուլեյման Սոյլուն մասնակցել են «Անկարայի առևտրի պալատի» կողմից կազմակերպված «Թյուրքական աշխարհի խորհրդարանների հիմնադրամը հանուն զոհերի հիշատակման և ոգեկոչման» խորագրով արարողությանը:
Բինալի Յըլդըրըմը ելույթ է ունեցել և խոսել Ղարաբաղի և Հայաստանի մասին:
Նշել է, որ Բալկաններում այսօր իրավիճակը եթե հանգիստ է, ապա դա Թուրքիայի հավասարակշռված քաղաքականության արդյունքն է տարածաշրջանի երկրների նկատմամբ, ինչպես նաև Էրդողանի նախաձեռնողականության արդյունքը: Իբրև դրա լավագույն օրինակ, ըստ Յըլդըրըմի, այն է, որ Ղարաբաղի խնդիրը 26 տարի անց, լուծվեց:
«Մեր տարածաշրջանը՝ Բալկանները, Կովկասը, Կենտրոնական Ասիան, Մերձավոր Արևելքը, չպետք է լինի վայր, որը հիշատակվում է միայն այն ժամանակ, երբ խոսքը խառնաշփոթի, քաոսի, ներքին պատերազմների և ահաբեկչության մասին է լինում: Հակառակը՝ թող վերածվի մի տարածաշրջանի, որտեղ մշտական են բարեկեցությունը, խաղաղությունը և եղբայրությունը: Մեր բոլոր ջանքերը դրա համար են»,- փորձել է հավաստիացնել թուրք պաշտոնյան։
Նրա բնորոշմամբ՝ Կովկասում Ղարաբաղի խնդրից հետո արդեն բոլոր երկրները պետք է համախմբվեն:
«Հայաստանին էլ ենք արել այս կոչը: Ցանկանում ենք, լեզվական, կրոնական, ռասսայական տարբերությունները, տարակարծությունները ոչ թե մեզ բաժանող, այլ միավորող հատկանիշներ լինեն»:
Այս ենթաբաժնի վերջին նորությունները
Նուլանդը, պատասխանելով սենատորների հարցերին, նշել էր, որ դեմ կլինի F-16-ի վաճառքին, քանի դեռ Թուրքիան հավանություն չի տվել Շվեդիայի ու Ֆինլանդիայի անդամակցությանը ՆԱՏՕ-ին։
Ամերիկյան ամսագիրը դիտարկման է առել նաև Շվեդիայի ՆԱՏՕ-ին անդամակցելու հարցում Թուրքիայի ունեցած դերը:
Նա հոդվածում նշել է, որ Թուրքիան դաշնակից երկիր է, ՆԱՏՕ-ի անդամ, սակայն իրեն այդ դաշինքի անդամ պետության նման չի դրսևորում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Զորավարժությունը մասնակիցներ ունի 17 երկրից՝ ներառյալ Գերմանիայից, Ադրբեջանից, Մեծ Բրիտանիայից։
Թուրքիայի արտգործնախարար Մևլյութ Չավուշօղլուն արձագանքել է ԱՄՆ նախկին պետքարտուղար Մայք Պոմպեոյի twitter-յան գրառմանը։
Նշվում է, որ իշխանության ղեկին մնալու համար նա կոնֆլիկտներ է հրահրում Սիրիայում և Գերմանիայում։
Նա հոդվածում նշել է, որ Թուրքիան դաշնակից երկիր է, ՆԱՏՕ-ի անդամ, սակայն իրեն այդ դաշինքի անդամ պետության նման չի դրսևորում։
Այս չեղարկումները տեղի են ունենում Թուրքիայի ու սկանդինավյան երկու երկրների միջև լարված հարաբերությունների համատեքստում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |