Քաղաքական12:20, 30 Հունիս 2022
Պոլսահայ պատգամավորն անդրադարձել է փոքրամասնությունների հիմնադրամների ընտրությունների խնդրին
Թուրքիայի խորհրդարանի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Կարո Փայլանը փոքրամասնությունների հիմնադրամների ընտրական կանոնակարգի վերաբերյալ գրավոր հարցադրումներ է ներկայացրել Թուրքիայի փոխնախագահ Ֆուաթ Օքթային:
Փայլանը մասնավորապես շեշտել է, որ 2013թ. հունվարի 19-ին չեղարկված ընտրական կանոնակարգի պատճառով փոքրամասնությունների հիմնադրամները 9 տարի շարունակ չեն կարողանում ընտրություններ անցկացնել։ Այս ողջ ընթացքում փոքրամասնություն հանդիսացող համայնքները պայքարել են և փոխանցել իրենց պահանջները և՛ ընտրական իրավունքի վերադարձի, և՛ ժողովրդավարական ընտրությունների վերաբերյալ:
2022թ. հունիսի 18-ին հրապարակված Փոքրամասնությունների հիմնադրամների ընտրական հրամանագիրը, ըստ Կարո Փայլանի, մեծ հիասթափություն է առաջացրել փոքրամասնությունների համայնքներում։ Ընտրական կանոնակարգը, որն անտեսում է փոքրամասնությունների համայնքների առաջարկները, դիտվում է որպես պարտադրանք։ Ըստ էության այդ կարգավորումը ոչ միայն չի լուծի առկա խնդիրները, այլև նորերը կստեղծի:
Նոր կանոնակարգը քննադատության է ենթարկվել փոքրամասնությունների համայնքների և իրավապաշտպան կազմակերպությունների ներկայացուցիչների կողմից:
Կարգավորման վերաբերյալ փոքրամասնության ներկայացուցիչների կողմից քննադատության ենթարկվող հիմնական խնդիրներն են այն, որ հիվանդանոցներ ունեցող հիմնադրամների ընտրությունները անորոշության են մատնվել՝ քանի որ կապված են Առողջապահության նախարարության հետ:
Բացի այդ որոշ դրույթներ, ըստ պնդումների, հակասում են Լոզանի պայմանագրին:
Փայլանը Թուրքիայի փոխնախագահին ներկայացրել է հետևյալ հարցադրումները.
1. Ինչո՞ւ եք փոքրամասնությունների հիմնադրամի ընտրությունների կանոնակարգում փոքրամասնությունների համայնքների ներկայացուցիչների պահանջներից զատ այլ պարտադրանքներ ավելացրել:
2. Ինչու՞ տարանջատեցիք մեր հիմնադրամները՝ համայնքային հիմնադրամների ընտրությունը հիվանդանոցների միջոցով կապելով Առողջապահության նախարարության հայեցողության հետ։
3. Փոքրամասնությունների ընտրական կարգավորումներւմ ավելացրած Ձեր պարտադրանքներն արդյոք չեն հակասում Լոզանի պայմանագրին չե՞ն հակասում արդյոք։
4. Ինչպե՞ս կարող են ժողովրդավարական լինել ընտրությունները, եթե դրանցում ընտրական կազմկոմիտեն որոշվում է ներկայիս ղեկավարների կողմից:
5. Ինչո՞ւ է փոքրամասնության հիմնադրամի ընտրական կանոնակարգում փոփոխությունները նախաձեռնել ներքին գործերի նախարարությունը, որն այս հարցում իրավասություն չունի:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |