Թուրքիան 2026-ին արդեն սեփական ռեսուրսներով կբավարարի գազի իր ներքին պահանջարկի 25-30%-ը

Տարածաշրջան17:13, 14 Հունիս 2022

Թուրքիան 2026-ին արդեն սեփական ռեսուրսներով կբավարարի գազի իր ներքին պահանջարկի 25-30%-ը

Թուրքիայի Էներգետիկայի և բնական պաշարների նախարար Ֆաթիհ Դոնմեզը հայտարարել է, որ 2020թ. Սև ծովում գտնվող Սաքարյա գազի հանքավայրում հայտնաբերված բնական գազի առաջին արդյունահանումը կսկսվի 2023 թվականից։

Դոնմեզը նշել է, որ իրենք նախատեսում են առավելագույն արդյունահանման հասնել մինչև 2026 թվականը:

Թուրքիայի նախագահ Ռեջեփ Թայիփ Էրդողանն էլ հայտարարել է, որ 2023-ի առաջին քառորդում օրական արտադրված 10 միլիոն խորանարդ մետր բնական գազը կհամալրի ներքին սպառման պաշարները:

Էրդողանը 2020թ. օգոստոսի 21-ին հայտնել էր, որ Սև ծովում հայտնաբերվել է Թուրքիայի պատմության մեջ ամենամեծ բնական գազի պաշարը։

«Ֆաթիհ» հորատող նավը 2020 թվականի հուլիսի 20-ից աշխատում էր «Թունա-1» հետազոտական հորատանցքում՝ Զոնգուլդաք բնակավայրից մոտ 170 կիլոմետր հեռավորության վրա:

Ուսումնասիրությունների արդյունքում 2100 մետր խորության վրա հայտնաբերվել է 320 մլրդ խմ բնական գազի պաշար։

Էրդողանը նաև նշել է, որ նոր հանքավայրում հայտնաբերված բնական գազի շահագործումը նախատեսվում է սկսել մինչև 2023 թվականը, մինչդեռ թուրքական աղբյուրները «Reuters» լրատվական գործակալությանը հայտնել են, որ հայտնաբերված բնական գազի շահագործումը տարածաշրջանում կարող է սկսվել 7-ից 10 տարվա ընթացքում:

Աղբյուր` T24.com.tr

Այս ենթաբաժնի վերջին նորությունները

16:10, 02 հուլ

2025-ի 1-ին 5 ամսում Թուրքիայից Իսրայել արտահանման ծավալը կազմել է մոտ 394 մլն դոլար

«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։

12:20, 02 հուլ

Թուրքիան մտադիր է դառնալ տվյալների բազայի ռեգիոնալ կենտրոն

Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։