Քաղաքական13:03, 27 Մայիս 2022
Թուրքիայի խորհրդարանի նախագահը խոսել է Հայոց ցեղասպանությունից և հայ-թուրքական կարգավորումից
Թուրքիայի Ազգային ժողովի նախագահ Մուսթաֆա Շենթոփը, հերթական առիթն օգտագործելով, առաջ է քաշել պետական մակարդակով իրականացվող ցեղասպանության ժխտողական քարոզչության թեզերը:
Շենթոփը տեսաուղերձ է հղել Թուրքիայի պատմագիտական ընկերության կողմից «Վանում կոտորած, ավեր և գրավում. ճանապարհ դեպի աքսոր» խորագրով գիտաժողովի մասնակիցներին:
Նա ընդգծել է, որ 1915 թվականի տեղահանության որոշումը հնարավոր չի լինի անվանել ցեղասպանություն, ապա նշել, որ հայերն իրենց գրեթե ողջ հռետորաբանությունը կառուցում են թուրքերի նկատմամբ թշնամանքի վրա:
Ըստ թուրք պաշտոնյայի՝ «ցեղասպանություն» տերմինի շրջանակն ամբողջովին հստակեցված է և դրա կիրառումը շատ հստակ պայմաններ ունի: Այն միջազգային իրավական սահմանում է և ինչպես նշված է 1948թ. ընդունված ՄԱԿ-ի ցեղասպանության կոնվենցիայում, հանցագործությունը մատնանշող սահմանումը կարող է կիրառվել միայն այն դեպքում, երբ կա իրավասու դատարանի որոշումը:
Թուրքական արդեն հայտնի և չարչրկված ժխտողական թեզերին նոր շունչ հաղորդած Շենթոփը եզրակացնում է, որ 1915-ի դեպքերը չեն համապատասխանում «ցեղասպանություն» տերմինի սահմանմանը և դրանցում առկա չեն այն տարրերը, որոնք ըստ միջազգային իրավունքի՝ թույլ են տալիս այդ դեպքերը որակել որպես ցեղասպանություն:
Շենթոփն ուղերձի վերջում անդրադարձել է նաև հայ-թուրքական հարաբերությունների կարգավորման գործընթացին: Նա ընդգծել է, որ իրենք մեծապես կարևորում են Հայաստանի հետ սկսված կարգավորման գործընթացը և այն գնահատում որպես կարևոր պատմական հնարավորություն տարածաշրջանի համար:
Նշելով, որ չպետք է թույլ տալ, որ հատկապես սփյուռքի ռադիկալ հատվածները վնասեն այդ գործընթացը և պղտորեն հարաբերությունները՝ Շենթոփը հայտարարել է.
«Բոլոր դերակատարներին կոչ ենք անում կառուցողական վերաբերմունք որդեգրել և վերոնշյալ գործընթացին աջակցություն ցուցաբերել»:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |