Քաղաքական13:13, 16 Մայիս 2022
Շվեդիան պատվիրակություն կուղարկի Անկարա ՆԱՏՕ-ի անդամակցության գործընթացի շուրջ բանակցելու համար
Վերջին օրերին ակտիվ քննարկվում է Շվեդիայի ու Ֆինլանդիայի՝ ՆԱՏՕ-ի անդամակցության համար դիմելու հարցի վերաբերյալ Թուրքիայի ոչ այնքան բարեհաճ դիրքորոշումը:
Օրեր առաջ այս թեմայի վերաբերյալ հարցին պատասխանելիս Թուրքիայի նախագահ Ռեջեփ Էրդողանը հայտարարել էր, որի իրենք այնքան էլ ուրախ չեն լինի այդ 2 երկրներին տեսնել ՆԱՏՕ-ում: Էրդողանն իրենց դիրքորոշումը պատճառաբանել էր այն բանով, որ սկանդինավյան երկրները չեն հետապնդում իրենց տարածքում ապաստանող «Քուրդիստանի բանվորական կուսակցության» անդամներին ու դրա հետ կապված անձանց՝ չնայած թուրքական կողմի խնդրանքներին:
Նախօրեին Շվեդիայի արտգործնախարար Անն Լինդը հայտարարել է, որ առաջիկայում մեկնելու է Թուրքիա, մյուս կողմից էլ Շվեդիայի իշխող «Սոցիալ դեմոկրատական» կուսակցությունն է հայտարարել Անկարա պատվիրակություն ուղարկելու մասին, որը թուրքական կողմի հետ պետք է քննարկի ՆԱՏՕ-ին ամդամակցելու մասին Ստոկհոլմի որոշումը:
Բեռլինում տեղի ունեցած ՆԱՏՕ-ի երկրների արտգործնախարարների ոչ պաշտոնական հավաքից հետո այս թեմայով խոսել է նաև ԱՄՆ-ի պետքարտուղար Էնթոնի Բլինքենը: Վերջինս նշել է, որ ԱՄՆ-ն կաջակցի Ֆինլանդիայի ու Շվեդիայի դիմումներին, իսկ այդ հարցում Թուրքիայի հետ ունեցած մոտեցումների տարբերությունները կարող են հաղթահարվել:
ՆԱՏՕ-ի գլխավոր քարտուղար Յեն Ստոլտենբերգն էլ Թուրքիայի արտգործնախարար Մևլութ Չավուշօղլուի հետ հանդիպումից հետո հայտնել է, որ թուրքական կողմն ասել է, թե 2 երկրների անդամակցության գործընթացն արգելափակելու նպատակ չունի: Նա վստահություն է հայտնել, որ Թուրքիայի հայտնած «մտահոգությունները» չեն հետաձգի Շվեդիայի ու Ֆինլանդիայի անդամակցությունը կամ անդամակցության գործընթացի մեկնարկը:
Նշենք, որ որևէ երկրի՝ ՆԱՏՕ-ին անդամակցելու համար անհրաժեշտ է դաշինքի բոլոր 30 անդամ երկրների պաշտոնական համաձայնությունը:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |