Թուրք պատգամավոր. «Պետք չէ անպայման հայ լինել «Հայոց ցեղասպանություն եղել է» ասելու համար»

Ցեղասպանություն14:53, 25 Ապրիլ 2022

Թուրք պատգամավոր. «Պետք չէ անպայման հայ լինել «Հայոց ցեղասպանություն եղել է» ասելու համար»

Թուրքիայի խորհրդարանի ընդդիմադիր պատգամավոր, մասնագիտությամբ բժիշկ Օմեր Ֆարուք Գերգերլիօղլուն Հայոց ցեղասպանության 107-րդ տարելիցի կապակցությամբ գրառում է արել Twitter սոցկայքում։

«Իմ սրտում զգում եմ բոլոր այն մարդկանց ցավը, որոնք կորցրեցին իրենց կյանքը 1915թ Հայոց ցեղասպանության ժամանակ։ Հարկավոր է, որ մենք առերեսվենք պատմության հետ և կարեկցանք ցուցաբերենք: Մենք պիտի զգայուն լինենք ամեն ցավի նկատմամբ»,- գրել է Գերգերլիօղլուն։

Համացանցում թուրք օգտատերերը կոշտ են արձագանքել ընդդիմադիր պատգամավորի համարձակ այս գրառմանը և նրան դարձրել ատելության խոսքի թիրախ։ Իսկ թուրքական մի շարք լրատվամիջոցներ նրա գրառումը որակել են սկանդալային։

Հիշեցնենք, որ Գերգերլիօղլուն 2017թ. ապրիլի 24-ին, երբ դեռ պատգամավոր չէր, դարձյալ ցավակցող գրառում էր արել՝ մասնավորապես ասելով.

«Պետք չէ անպայման հայ լինել, որպեսզի ասել «Հայոց ցեղասպանություն եղել է»։ Արդար մտածող ամեն մի մարդ, ով անաչառ է նայում պատմությունը, դա կընդունի, պիտի ընդունի»։

Նշենք, որ Օմեր Ֆարուք Գերգերլիօղլուն անդամակցում է Թուրքիայի քրդամետ «Ժողովուրդների դեմոկրատական կուսակցությանը» (ԺԴԿ-HDP):

Աղբյուր` kocaelikoz.com

Այս ենթաբաժնի վերջին նորությունները

12:15, 24 հուն

Թուրքիայում Հայոց ցեղասպանության ժխտողականությունը նոր դրսևորում է ստանում

Հակահայկական ուղղվածություն ունեցող մի շարք կառույցներ համախմբվել են ու ստեղծել «TEKAR» հիմնադրամը։

14:02, 20 մայ

Թուրքական պատմագիտական ընկերությունը շարունակում է իր ժխտողական քարոզչությունը

Թուրքական ժխտողական թեզերի դարբնոցներից մեկը համարվող այս կառույցի ղեկավարը քննադատության է ենթարկել հատկապես հայկական ու հունական թեզերը։

15:48, 28 ապր

Թուրք ազգայնական կուսակցապետը սպառնացել է Փայլանին ու «խորհուրդ տվել» լքել Թուրքիան

«Ազգայնական շարժման կուսակցության» (MHP) առաջնորդ Դևլեթ Բահչելին կրկին անդրադարձել է Կարո Փայլանի` Թուրքիայի խորհրդարան ներկայացրած Հայոց ցեղասպանությունը ճանաչման առաջարկին: