Անկարան կոշտ է արձագանքել Թուրքիայում մարդու իրավունքների մասին ԱՄՆ-ի զեկույցին

Քաղաքական11:23, 15 Ապրիլ 2022

Անկարան կոշտ է արձագանքել Թուրքիայում մարդու իրավունքների մասին ԱՄՆ-ի զեկույցին

Թուրքիայի արտգործնախարարությունը գրավոր հայտարարություն է տարածել, որում անընդունելի է համարել ԱՄՆ-ի պետքարտուղարության կողմից կազմած Մարդու իրավունքների մասին զեկույցում Թուրքիային առնչվող գնահատականները:

Հայտարարության մեջ նշվել է, որ ինչպես այս թեմայով ԱՄՆ-ի նախկին զեկույցներին, այս զեկույցին ի պատասխան թուրքական կողմը հայտարարում է, որ երկրում առկա է բավարար կամք մարդու իրավունքների պաշտպանության ու զարգացման ուղղությամբ:

Ավելին, Անկարան Վաշինգտոնին կոչ է արել մարդու իրավունքների հարցում կենտրոնանալ հենց ԱՄՆ-ում տիրող իրավիճակի վրա և վերջ դնել ահաբեկչության դեմ պայքարի անվան տակ մեկ այլ ահաբեկչական կազմակերպության շոշափուկների (նկատի է առնվում Սիրիայի քրդական կազմակերպություններին, որոնց Անկարան համարում է «Քուրդիստանի բանվորական կուսակցության» (PKK-ՔԲԿ) ճյուղավորումներ) հետ համագործակցությանը:

Նշենք, որ ԱՄՆ-ի պետքարտուղարության հրապարակած զեկույցում նշվել էր Թուրքիայիում տեղի ունեցող մարդու իրավունքների բազմաթիվ խախտումների մասին:

Հիշատակվել էին Թուրքիայի Բողազըջը համալսարանում 2021թ.-ին տեղի ունեցած բողոքի ակցիաները և դրան հաջորդած մասսայական ձերբակալությունները:

Նշվել է, որ առ այսօր կալանավորված է մնում Հայոց ցեղասպանությունը ճանաչող թուրք իրավապաշտպան Օսման Քավալան, Թուրքիայի քրդամետ կուսակցության համանախագահ Սելահաթթին Դեմիրթաշը, ինչպես նաև այլ ընդդիմադիր գործիչներ:

Զեկույցում խոսվել էր Թուրքիայում մամուլի և խոսքի ազատության վատթար վիճակի, մասնավորապես մի շարք անկա լրագրողների ձերբակալությունների ու խոսքի ազատության սահմանափակումների մասին։

Աղբյուր` Ermenihaber.am

Այս ենթաբաժնի վերջին նորությունները

13:39, 04 հուլ

Թուրքիայի ԱԳՆ. «Թուրքմենները պատշաճ կերպով պիտի ներկայացված լինեն Իրաքի քաղաքականության մեջ»

Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։

11:41, 04 հուլ

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:

10:48, 04 հուլ

Էրդողանը մեկնել է Ստեփանակերտ

Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։

Էրդողանը մեկնել է Ստեփանակերտ