Արդյո՞ք Թուրքիայի դռները բաց են ռուս միլիարդատերերի առջև

Տնտեսական16:50, 06 Ապրիլ 2022

Արդյո՞ք Թուրքիայի դռները բաց են ռուս միլիարդատերերի առջև

Թուրքիայում շատ է խոսվում այն մասին, որ ռուս-ուկրաինական պատերազմի պատճառով հնարավոր է ռուս միլիարդատերերը գնան Թուրքիա, ներդրումներ անեն և իրենց կապիտալը տեղափոխեն այդ երկիր։

Այս թեմային անդրադարձել է թուրքական ընդդիմադիր ազդեցիկ լրատվամիջոցի՝ «Cumhuriyet»-ի վերլուծաբան Ֆեֆմի Քյոֆթեօղլուն: Նա վտանգավոր է համարել նման զարգացումը, քանի որ ինչպես միջազգային գործակալություններն են նշում, ռուս օլիգարխները կարող են ապօրինի գործունեություն ծավալել Թուրքիայում և ֆինանսական հանցագործություններ կատարել:

Հոդվածի հեղինակը հիշեցնում է, որ մարտի 27-ին Կատարում տեղի ունեցած Դոհայի ֆորումի շրջանակներում անգամ այդ հարցը ուղղվել է Թուրքիայի արտգործնախարար Մևլութ Չավուշօղլուին:

Ի պատասխան ռուս օլիգարխների՝ Թուրքիա տեղափոխվելու մասին հնարավոր զարգացումների մասին հարցին՝ Չավուշօղլուն ասել է, որ եթե Թուրքիայում ռուս օլիգարխների գործողությունները չհակասեն միջազգային իրավունքի նորմերին, ապա իրենք կարող են քննարկել նման հնարավորությունը, քանի որ իրենք սկզբունքորեն թույլ են տալիս օրինական համարվող ցանկացած տեսակի գործունեություն Թուրքիայի տարածքում:

Թուրք վերլուծաբանը, այնուամենայնիվ, կարծում է, որ ռուս օլիգարխների՝ Թուրքիա գալ-չգալու հարցը քաղաքական առումով կախված է Ռուսաստանի նախագահ Վլադիմիր Պուտինի դիրքորոշումից:

Աղբյուր` Cumhuriyet

Այս ենթաբաժնի վերջին նորությունները

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։