Հարևան երկրներ կատարված թուրքական արտահանումները ռեկորդային աճ են գրանցել

Տնտեսական14:31, 06 Ապրիլ 2022

Հարևան երկրներ կատարված թուրքական արտահանումները ռեկորդային աճ են գրանցել

Թուրքիայի առևտրի նախարարության և «Թուրքիայի արտահանողների խորհրդի» հրապարակած տվյալների համաձայն՝ ընթացիկ տարվա մարտին գրանցվել է արտահանման ծավալների ռեկորդային աճ՝ համեմատած բոլոր ժամանակների մարտ ամսվա ցուցանիշների հետ։ Արձանագրվել է 19.8 տոկոսանոց աճ, ինչի արդյունքում արտահանումը կազմել է 22.7 մլրդ դոլար։

Իսկ հունվար-մարտ ժամանակահատվածում Թուրքիայից արտահանվել է 60 մլրդ 288 մլն դոլարի ապրանք։ Այս ցուցանիշը համարվում է լավագույնը տարվա առաջին եռամսյակների համեմատականում։

Սահմանակից հարևան երկրներ կատարված թուրքական արտահանումները նախորդ տարվա նույն ժամանակահատվածի համեմատ աճել են ավելի քան 30 տոկոսով։ Նախորդ տարվա առաջին եռամսյակում Իրան, Իրաք, Հունաստան, Վրաստան, Սիրիա և Բուլղարիա կատարված արտահանումները կազմել էին 4 մլրդ 323 մլն դոլար, իսկ այս տարվա առաջին եռամսյակում՝ 5 մլրդ 636 մլն դոլար։

Ամենաշատ ծավալով արտահանումն իրականացվել է դեպի Իրաք, ամենաքիչը՝ դեպի Սիրիա։

Թուրքիայից արված արտահանումների պատկերը
դոլարային տեսքով՝

Իրաք - 2 մլրդ 446 մլն

Բուլղարիա - 1 մլրդ 59 մլն

Հունաստան - 790 մլն 940 հզ

Իրան - 560 մլն 265 հզ

Վրաստան - 396 մլն 177 հզ

Սիրիա - 383 մլն 267 հզ

Ի դեպ, արտահանված ապրանքների մեջ գերակշռել է քիմիական արտադրանքը։

Նշենք, որ Թուրքիան ցամաքային սահման ունի ոչ միայն վերոհիշյալ 6 երկրների, այլ նաև Հայաստանի Հանրապետության և Նախիջևանի Ինքնավար Հանրապետության հետ։ Վերջինիս մասով արտահանման տվյալները բացակայում են, իսկ Հայաստանը Թուրքիայի առևտրային գործընկերը չէ։

«Թուրքիայի և Հայաստանի միջև առևտուր ուղղակիորեն չի իրականացվում»,- գրում է «Anadolu» պետական լրատվական գործակալությունը։

Աղբյուր` Anadolu

Այս ենթաբաժնի վերջին նորությունները

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։