Աքար. «Ռուսական նավահանգիստներում սպասեցվող մեր նավերը կարճ ժամանակում կուղարկվեն»

Տարածաշրջան17:50, 09 Մարտ 2022

Աքար. «Ռուսական նավահանգիստներում սպասեցվող մեր նավերը կարճ ժամանակում կուղարկվեն»

Ռուս-ուկրաինական ռազմական գործողությունները բացասաբար են ազդել նաև Թուրքիայի՝ այդ երկրների հետ ծովային ճանապարհով տեղի ունեցող առևտրի վրա: Մասնավորապես հետաձգվում են Սև ու Ազովի ծովերում ռուսական ու ուկրաինական նավահանգիստներում մինչև 3 տասնյակ թուրքական առևտրային նավերի դեպի Թուրքիա բեռնափոխադրումները:

Թեման քննարկվել է Թուրքիայի պաշտպանության նախարար Հուլուսի Աքարի և Ռուսաստանի պաշտոնակից Սերգեյ Շոյգուի հեռախոսազրույցի ժամանակ: Լրագրողներին տված հարցազրույցում Աքարն ասել է, որ զրույցի ընթացքում համաձայնություն է ձեռք բերվել կարճ ժամնանակում նավերի դեպի Թուրքիա ուղևորվելը ապահովվելու վերաբերյալ:

«Առաջիկա օրերին դրական զարգացումներ ենք սպասում: Մեր առևտրային նավերի գալու համար անհրաժեշտ անվտանգությունը Ռուսաստանը կապահովվի: Ե՛վ ռուսական, և՛ ուկրաինական նավահանգիստներում սպասող նավեր ունենք: Այս հարցում դրական պատասխաններ ենք ստացել»,- ասել է Աքարը:

Վերջինս նշել է, որ այս պահին Ուկրաինայի տարածքում Թուրքիան ունի 2 ինքնաթիռ, որոնց անվտանգությունն ապահովելու համար նույնպես միջոցներ են ձեռնարկվում:

Աղբյուր` Artıgerçek

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։