Թուրք վերլուծաբան. «Տնտեսության վիճակն այնպիսին է, կարծես Թուրքիան է պատերազմի մեջ»

Տնտեսական11:29, 01 Մարտ 2022

Թուրք վերլուծաբան. «Տնտեսության վիճակն այնպիսին է, կարծես Թուրքիան է պատերազմի մեջ»

Թուրքական «Sözcü» թերթի սյունակագիր, տնտեսագետ Մուրադ Մուրաթօղլուն հոդված է հրապարակել, որտեղ անդրադարձել է Ռուսաստան-Ուկրաինա պատերազմի հետևանքով Թուրքիայի տնտեսությունում ծագած խնդիրներին:

Ըստ նրա՝ Պուտինի ցարական երևակայությունները ռուս ժողովրդին տանելու են դժբախտության…

Թուրք տնտեսագետի կարծիքով Ռուսաստանը աղքատանալու է, որի հետևանքով մեծապես տուժելու է նաև Թուրքիայի տնտեսությունը:

Մասնավորապես մրգի և բանջարեղենի արտահանման, զբոսաշրջության, տեքստիլ արդյունաբերության ոլորտները մեծապես կզգան դրա բացասական հետևանքները:

Մուրաթօղլուն նշել է նաև, որ Ռուսաստանի հետ հարաբերությունները խզելն անհնար է թվում և որ Թուրքիան խորապես կախված է Ռուսաստանից ատոմակայանի կառուցման, բնական գազի մատակարարման, ածխի և փայտանյութի մատակարարման տեսանկյունից։

Մյուս կողմից նա համոզված է, որ Թուրքիան չի կարող միայնակ թողնել Ուկրաինային՝ մեղք գործելով իր խղճի առջև։ Բայց և լավագույն տարբերակը կլինի ոչինչ չանելը:

Այնուամենայնիվ, թուրք տնտեսագետի վերլուծության համաձայն՝ Թուրքիայի տնտեսությունն այնքան կտուժի այս ամենի հետևանքով, որքան կտուժեր եթե պատերազմի մեջ ներքաշված լիներ:

Աղբյուր` sözcü.com.tr

Այս ենթաբաժնի վերջին նորությունները

12:42, 05 մայ

Թուրքիայի և Սիրիայի միջև էներգետիկ համաձայնագիր կկնքվի

Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: