Ռուսաստանը հայտնել է թուրքական «Բայրաքթար» անօդաչուներ ոչնչացնելու մասին

Ռազմական09:23, 25 Փետրվար 2022

Ռուսաստանը հայտնել է թուրքական «Բայրաքթար» անօդաչուներ ոչնչացնելու մասին

Ռուսական կողմի հարվածներից ոչնչացվել է Ուկրաինայի ռազմական ենթակառուցվածքի 74 օբյեկտ, այդ թվում՝ ռազմաօդային ուժերի 11 օդանավակայան, 3 հրամանատարական կետ, ռադիոտեղորոշման և հակաօդային պաշտպանության համակարգեր, թուրքական արտադրության 4 «Բայրաքթար» անօդաչու թռչող սարք: Այս մասին հայտնում են Ռուսաստանի պաշտպանության նախարարությունից:

Ուկրաինայի զինված ուժերը նույնպես հաղորդում են ռուսական կողմի կորուստների մասին: Պաշտպանական գերատեսչության պաշտոնական ներկայացուցչի խոսքով՝ սևծովյան շրջանում օգտագործել են «Բայրաքթար» ԱԹՍ-ներ: Նա հայտնել է նաև երկրի տարբեր շրջաններում ռուսական տանկերի, զրահափոխադրիչների և ուղղաթիռների խոցման մասին:

Ռուսաստանի հայտարարած ռազմական հատուկ գործողությունը շարունակվում է: Ուկրաինայի որոշ բնակավայրեր անցել են ռուսական ուժերի վերահսկողության տակ, հաղորդվում է զինտեխնիկայի տեղաշարժի և ռազմական օբյեկտների թիրախային խոցման մասին: Առանձին շրջաններում Ռուսաստանի և Ուկրաինայի ուժերի միջև մարտեր են ծավալվում: Ուկրաինայի մայրաքաղաք Կիևում և մի շարք քաղաքներում միացվել է օդային տագնապի ազդանշան:

Աղբյուր` Ermenihaber.am

Այս ենթաբաժնի վերջին նորությունները

15:26, 08 մայ

Թուրքիայի և Ադրբեջանի ռազմածովային ուժերի միջև կատարվել է փորձի փոխանակում

Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։

12:39, 07 մայ

Global Firepower. Թուրքիան աշխարհի 9-րդ ամենաուժեղ բանակն ունի

Ամերկյան ընկերությունը հրապարակել է 2025-ին աշխարհում ամենաուժեղ բանակն ունեցող պետությունների ցանկը:

10:39, 07 մայ

Թուրքիայի սպառազինությունը կհամալրվի նոր արդիականացված ռազմական ինքնաթռիներով

«Hava SOJ» էլեեկտրական մարտկոցով աշխատող ինքնաթիռը կարող է արգելափակել ռադարային ազդանշանները՝ ապահովելով ռազմական մյուս ինքնաթիռների արդյունավետ գործունությունը: