Քաղաքական16:59, 22 Փետրվար 2022
Թուրք պաշտոնաթող դեսպանը՝ Էրդողանի քաղաքականության մասին․ «Պետք է շարժվենք այնպես, ինչպես պահանջում են մեր ազգային շահերը»
Թուրք պաշտոնաթող դեսպան Սելիմ Քարաօսմանօղլուն թուրքական «Cumhuriyet» թերթի հետ զրույցում գնահատականներ է տվել Թուրքիա-Արաբական Միացյալ Էմիրություններ (ԱՄԷ) և Թուրքիա-Իսրայել հարաբերությունների վերաբերյալ։
Նա նշել է, որ Թուրքիայի և ԱՄԷ-ի առաջնորդների միջև նախորդ շաբաթ կնքված թվով 13 պայմանագրերը՝ բացառությամբ մշակութային ոլորտին վերաբերողներից, այն նախագծերն են, որոնք Թուրքիայի «Արդարություն և զարգացում» կուսակցության (ԱԶԿ-AKP) իշխանությունը և ԱՄԷ-ն ցանկանում էին իրականացնել երկկողմ հարաբերությունների վատթարացումից առաջ։
Քարաօսմանօղլուի խոսքով՝ երկու երկրները համատեղ ծրագրերի համար կարող են ներդրումներ անել «Թուրքիայի օդատիեզերական արդյունաբերություն» (TAİ) կամ «Ռոքեթսան հրթիռային արդյունաբերության և առևտրի» (ROKETSAN) ընկերություններում։ Նա նշել է, որ ԱՄԷ-ն կարող է հետաքրքրվել նաև Քոնյայում, Էրզրումում և Վանում արևային էլեկտրաէներգիայի կայանների նախագծերով։
Պաշտոնաթող դեսպանն ընդգծել է Թուրքիայի դերը ԱՄԷ-ի համար Եվրոպա դուրս գալու տեսանկյունից և որպես երկիր, որը կարող է մերձեցնել Իսրայելին և ԱՄԷ-ին։
«Իսյարելը Թուրքիայի համար կարևոր է ոչ միայն մեր աշխարահագրական միջավայրում, այլև Կովկասում։ Բացի այդ, շատ չմատնանշվեց, բայց Ադրբեջանի և Հայաստանի միջև ղարաբաղյան պատերազմում ևս Իսրայելը մեծ ներդրում ունեցավ»,-նշել է նա։
Քարաօսմանօղլուի ընդգծմամբ՝ եթե ԱԶԿ-ի կառավարությունը արտաքին քաղաքականության մեջ գաղափարական մոլուցքով չտարվի, Թուրքիայի հարաբերություններն Իսրայելի և ԱՄԷ-ի հետ դրական ընթացք կունենան։
«Երեկ վատ էր, այսօր լավացավ, վերջակետ։ Պետք է շարժվենք այնպես, ինչպես պահանջում են մեր ազգային շահերը։ Ինչպես ասում են անգլիացիները՝ Անգլիան բարեկամներ չունի, ունի շահեր»,-եզրափակել է նա։
Այս ենթաբաժնի վերջին նորությունները
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրակարգում է եղել ռազմարդյունաբերական համագործակցությունն ու Գազայում տիրող իրավիճակը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |