Հոդված11:56, 02 Փետրվար 2022
Թուրք վերլուծաբան. «Ռուսաստանի ճնշմամբ Հայաստանին բարեկամության ձեռք մեկնելու որոշում են կայացրել»
Թուրքական ընդդիմադիր «Sözcu» լրատվամիջոցի վերլուծաբան Էմին Չոլաշանը հայ-թուրքական կարգավորման թեմայով հոդված է հրապարակել՝ վերնագրում Հայաստանն անվանելով չակերտյալ բարեկամ ու եղբայր։
«Սիրելի ընթերցողներ,- իր լսարանին դիմում է թուրք վերլուծաբանը,- Հայաստան անունով պետության հետ սահմանակից հարևան ենք, բայց երկու երկրներն էլ միմյանց պաշտոնապես չեն ճանաչում»։
Այնուհետև հիշեցնում է, որ հայ-ադրբեջանական պատերազմում Թուրքիան, բնականաբար, դեմ հանդես եկավ Հայաստանին՝ շեշտելով, որ Ադրբեջանում կան թուրքական բանակի ստորաբաժանումներ, թուրք զինվորականներն են ադրբեջանական բանակը վարժեցնում ու հրահանգավորում։ Դե իսկ պատերազմի ողջ ընթացքում էլ եթե անգամ զորք չեն ուղարկել, փոխարենը մեծաքանակ զենք-զինամթերք ու տեխնիկա են տրամադրել Ադրբեջանին։
Այս ամենով հանդերձ, սակայն, հոդվածի հեղինակը մատնանշում է մի հանգամանք, ըստ որի՝ իրենց ղեկավարներն ամեն թեմայով և ամեն բնագավառում մշտապես կիրառում են մի շատ կենսունակ սկզբունք։ Այդ սկզբունքի տրամաբանությունը հետևյալն է. «Սկզբում վախեցնել, սպառնալ, իսկ հետո անել հետքայլ»։
«Վերջին տարիներին բոլորս էլ ականտես ենք եղել այդպիսի օրինակների։ Օրինակ՝ Եգիպտոսին անընդհատ սպառնում էին, բայց հենց ԱՄՆ-ն գործի անցավ, արդեն սկսվեց Եգիպտոսի հետ բարեկամական ուղերձների փոխանակումը... Կամ ասենք Հայաստանի պարագան. երեկ բացեցին օդային սահմանը ու արդեն փոխադարձ չվերթներ սկսեցին իրականացնել»։
Շարունակելով օրինակների շարքը՝ թուրք վերլուծաբանը հիշատակում է Իսրայելի դեպքը։ Սկզբում Թուրքիայում բոլոր մակարդակներով ինչ ասես չէին ասում Իսրայելին, էլ հայհոյանքներ, էլ սպառնալիքներ։ Բայց հենց կրկին պրոցեսի մեջ մտավ ԱՄՆ-ն, պատկերը փոխվեց։ Վաշինգտոնն Էրդողանին ասաց, որ հարկադրված եք հաշտվել Իսրայելի հետ։ Ու հիմա արդեն Թուրքիան Իսրայելի հետ բարեկամության շեմին է։ Մամուլը նույնիսկ գրում է, որ Իսրայելի նախագահը հնարավոր է այց կատարի Թուրքիա, այդ ուղղությամբ բանակցություններ են ընթանում։
«Եվ եթե շատ շուտով նույն այդ մարդկանց բերանից հանկարծ լսեք «Բարեկամ և եղբայր Հայաստան» արտահայտությունը, ամենևին չզարմանաք»,- զգուշացնում է թուրք վերլուծաբանը։
Այս գործելաոճից ու առհասարակ Թուրքիայի արտգործնախարարության կադրերից և գործունեությունից դժգոհւթյուն ակնարկելով՝ հոդվածի հեղինակը հետևյալ կերպ է ամփոփում իր եզրակացությունը.
«Ռուսաստանի ճնշմամբ Հայաստանին, իսկ ԱՄՆ-ի ճնշմամբ էլ Իսրայելին ու Եգիպտոսին բարեկամության ձեռք մեկնելու որոշում են կայացրել։
Դե ինչ ասենք, շնորհավոր լինի»։
Այս ենթաբաժնի վերջին նորությունները
Ermenihaber.am-ը ներկայացնում է 2023-ի վերջին և 2024-ի սկզբին, այսպես կոչված, «Զանգեզուրի միջանցքի» մասին Անկարայից հնչած հայտարարությունները։
2023-ի սեպտեմբերի 19-ին Ադրբեջանն Արցախի հայաթափման և խնդրի վերջնական լուծման նպատակով դիմեց ուժի կիրառմանը, ինչի հետևանքով 10-նյակ հազարավոր հայեր լքեցին իրենց տները:
Թուրքիայի արտգործնախարարը պնդել է, որ Ադրբեջանի գործողությունները բացահայտ թիրախ չեն եղել էթնիկ հայ բնակչության դեմ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |