Քաղաքական17:25, 12 Հունվար 2022
Էրդողան․ «Օջանալի ու Դեմիրթաշի միջև առանձին հաշիվներ կան»
Թուրքիայի նախագահ Ռեջեփ Թայիփ Էրդողանը կուսակցական նիստում անդրադարձել է երկրի առանցքային հարցերից մեկին՝ քրդական հարցին և քրդերի բանտարկված առաջնորդներին։
Ակնարկելով ընդդիմադիր, քրդամետ «Ժողովուրդների դեմոկրատական» կուսակցության (HDP-ԺԴԿ) նախկին համանախագահ Սելահաթթին Դեմիրթաշին և Թուրքիայում ահաբեկչական համարվող «Քուրդիստանի բանվորական կուսակցության» (PKK-ՔԲԿ) հիմնադիր-առաջնորդ Աբդուլլահ Օջալանին, Էրդողանը նշել է, որ վերջիններիս միջև կան որոշակի տարաձայնություններ։
Էրդողանի պնդմամբ՝ Դեմիրթաշը պատասխան է տալու Օջալանին։
«Տպավորություն է, թե ամեն ինչ վարդագույն է։ Բայց ոչ, այդպես չէ։ Նրանց միջև առանձին հաշիվներ կան»,-ասել է նա։
Էրդողանը, նկատի ունենալով, որ HDP-ն կառավարվում է PKK-ի կողմից, ասել է․ «PKK-ից ուղղորդվող այս կուսակցությունը որոշելու համար, թե ինչ է ասի, ինչ անի և ինչպես անի, սպասում է լեռներում գտնվող զինյալների թույլտվությանը, որոնք պատգամավորների սիրելիներն են»։
Էրդողանի խոսքով՝ քրդամետ կուսակցության պատգամավորների պատվո շքանշաններն այն մանուկներն են, որոնց առևանգել և տարել են PKK-ի ճամբարներ։
Նշենք, որ դեռևս 2021թ. մարտի 17-ին Թուրքիայի Գերագույն դատարանի հանրապետական գլխավոր դատախազ Բաքիր Շահինը հայցով դիմել էր Սահմանադրական դատարան՝ պահանջելով դադարեցնել HDP-ի գործունեությունը։ Ըստ թուրքական իշխանությունների՝ հիշյալ կուսակցությունն աջակցում է ահաբեկչությանը։
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Իրանի նախագահ Մասուդ Փեզեշքյանը հրահանգել է չեղարկել նորածիններին թուրքական անուններ դնելու կեսդարյա արգելքը։
Օսմանյան կայսրությունում առաջին մարդահամարն անցկացվել է 1831 թվականին։
Ըստ Թուրքիայի էներգետիկայի և բնական պաշարների նախարարի՝ Թուրքիան վերականգնվող էներգիայի ցուցանիշներով աշխարհում 11-րդն է։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |