Քաղաքական09:57, 16 Դեկտեմբեր 2021
Ո՞վ է լինելու Թուրքիայի հատուկ ներկայացուցիչը Հայաստանում
Թուրքիան Հայաստանի հետ հարաբերությունների կարգավորման համար հատուկ ներկայացուցիչ կնշանակի Վաշինգտոնում Թուրքիայի նախկին դեսպան Սերդար Քըլըչին: Այս մասին Արաբական Միացյալ Էմիրություններում հայտնել է Թուրքիայի արտգործնախարար Մևլյութ Չավուշօղլուն:
Նա նաև նշել է, որ իրենք ծրագրում են Հայաստանում հատուկ ներկայացուցիչ նշանակել փետրվարի 14-ից 15-ն ընկած ժամանակահատվածում։
Ո՞վ է Սերդար Քըլըչը
Ծնվել է 1958թ. մարտի 28-ին Թուրքիայի հյուսիսային Սամսուն շրջանում։ Ուսումը ստացել է Թուրքիայի կրթական միության Անկարայի քոլեջում, 1980թ. ավարտել է Անկարայի համալսարանի քաղաքագիտության ֆակուլտետը:
Սերդար Քըլըչը 1984-ից աշխատում է Թուրքիայի արտաքին գործերի նախարարությունում։ 2006-2008թթ. Թուրքիայի ԱԳՆ-ում զբաղեցրել է ՆԱՏՕ-ի հարցերով վարչության ղեկավարի օգնականի պաշտոնը, 2008-2010թթ. Բեյրութում եղել է Թուրքիայի դեսպանը: 2010-2012 թվականներին եղել է Ազգային անվտանգության խորհրդի գլխավոր քարտուղար, 2012-2014թթ.՝ Ճապոնիայում, իսկ 2014-2021թթ.՝ ԱՄՆ-ում Թուրքիայի դեսպանը:
Ամուսնացած է, ունի 3 երեխա։
Սերդար Քըլըչի հայրը՝ Իլյաս Քըլըչը, 1961-1980թթ. եղել է Թուրքիայի խորհրդարանի «Ժողովրդահանրապետական կուսակցությունից» (CHP-ԺՀԿ) ընտրված պատգամավոր։ Իսկ նրա հորեղբայրը զբաղեցրել է Թուրքիայի երիտասարդության և սպորտի նախարարի պաշտոնը, ինչպես նաև եղել է «Արդարություն և զարգացում կուսակցության» պատգամավոր մեջլիսում։
Հատկանշական է, որ որպես դեսպան Սերդար Քըլըչը միշտ նշանակվել է այնպիսի երկրներում, որտեղ կա հայկական ուժեղ և ակտիվ համայնք։
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Մուրհեֆ Էբու Քասրան դռնփակ հանդիպում կունենա Թուրքիայի պաշտպանության նախարար Յաշար Գյուլերի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |