Քաղաքական13:16, 15 Դեկտեմբեր 2021
Milligazete. «Արդյո՞ք Անկարան կկարգավորի հարաբերությունները նաև Եգիպտոսի ու Իսրայելի հետ»
Թուրքական ազգայնական ուղղվածության «Milligazete» թերթի կայքում հրապարակված հոդվածում խոսվել է Անկարայի՝ տարածաշրջանի մի քանի երկրների հետ հարաբերությունները կարգավորելու հնարավորությունների մասին:
Հոդվածի սկզբում նախ հիշեցվում է, որ Թուրքիան կարգավորման գործընթաց է սկսել ԱՄԷ-ի, Հայաստանի, և Սաուդյան Արաբիայի հետ, ապա նշվում է, որ դրանից հետո հարց է առաջանում, թե արդյոք հաջորդը լինելու են Եգիպտոսն ու Իսրայելը: Այստեղ մեջբերվել է նաև ամերիկյան մամուլում տարածված լուրերը, ըստ որոնց ԱՄՆ-ի նախագահ Ջո Բայդենը Թուրքիայի պաշտոնակից Ռեջեփ Էրդողանին խնդրել է կարգավորել հարաբերությունները, Ծոցի երկրների, Եգիպտոսի ու Իսրայելի հետ:
Ապա գալով Եգիպտոսի ու Իսրայելի հետ կարգավորման գործընթաց սկսելու հնարավորություններին՝ վերլուծաբանը հիշեցրել է, որ Եգիպտոսի պարագայում ամառվանից սկսած քայլեր են կատարվել, մասնավորապես արտգործնախարարությունների տարբեր մակարդակով փոխայցելությունները: Այդ քայլերը, սակայն, շոշափելի արդյունքներ չեն տվել և ներկայում առաջընթաց չկա կարգավորման ուղղությամբ: Դրա հիմնական պատճառներից են Եգիպտոսի ունեցած անհանգստությունները, որոնք չեն փարատվում Թուրքիայի կողմից: Մասնավորապես Եգիպտոսի ղեկավարությանը շատ է անհանգստացնում Թուրքիայում ապաստանած իր քաղաքական հակառակորդների ու կազմակերպությունների լրատվական գործունեությունը: Կահիրեն Անկարայից պահանջում է որոշ ընդդիմադիրների արտաքսել երկրից կամ ուղարկել Կատար:
Նմանատիպ խոչընդոտներ կան նաև Իսրայելի հետ հարաբերությունների կարգավորման հարցում: Այս դեպքում փոխադարձ պահանջներ կան Թուրքիայի ու Իսրայելի միջև: Դրանց շարքում կարևորներից են Թել-Ավիվի պահանջը Թուրքիայում «Համաս»-ի գործունեության սահմանափակման ու որոշ անդամների արտաքսման մասին: Անկարան էլ Իսրայելից պահանջում է այլևս նոր բնակավայրեր չկառուցել Պաղեստինից գրաված տարածքներում:
Այս և այլ խնդիրներ դեռևս խանգարում են Թուրքիային կարգավորել հարաբերությունները վերոնշյալ 2 երկրի հետ՝ թեև մինչ օրս այդ ուղղությամբ կատարվել են բազմաթիվ քայլեր: Ըստ վերլուծաբանի՝ 2022-ին կերևա, թե արդյոք Թուրքիան կշարունակի քայլեր կատարել Եգիպտոսի ու Իսրայելի հետ հարաբերությունները կարգավորելու ուղղությամբ:
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Մուրհեֆ Էբու Քասրան դռնփակ հանդիպում կունենա Թուրքիայի պաշտպանության նախարար Յաշար Գյուլերի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |