Էրդողանը կրկին դժգոհել է ԱՄՆ-ից Սիրիայի քրդերին աջակցելու համար

Քաղաքական18:05, 08 Դեկտեմբեր 2021

Էրդողանը կրկին դժգոհել է ԱՄՆ-ից Սիրիայի քրդերին աջակցելու համար

Թուրքիայի նախագահ Ռեջեփ Էրդողանը Կատարից վերադառնալուց հետո լրագրողների հետ հանդիպմանը, ի շարս այլ թեմաների, խոսել է նաև Սիրիայի քրդերի զինված ուժերի հետ ԱՄՆ-ի համագործակցության մասին:

Լրագրողի հարցին, թե ինչպես է նա վերաբեում Սիրիայի սահմանին՝ Ալ-Հասաքայում ԱՄՆ-ի կողմից քրդական «Ժողովրդի ինքնապաշտպանական ուժերի»-ի (YPG-ԺՊՈւ) հետ անցկացվող հրաձգային մարզումներին, Էրդողանն ասել է.

«Մենք Ամերիկային ասում ենք՝ դուք մեզ հրավիրում եք ահաբեկչության դեմ միավորվելու, բայց մյուս կողմից ամեն տեսակի ահաբեկիչներին (YPG-ին-խմբ.) ամեն կերպ աջակցություն եք ցուցաբերում: Դա ի՞նչ բարեկամություն է: Դա ՆԱՏՕ-ի կազմում ինչպիսի՞ միասնություն է: Տվե՛ք մեզ դրա պատասխանը: Իհարկե մեզ դրա պատասխանը չեն կարողանում տալ: Նոր եմ խոսել Բայդենի հետ: արտգործնախարարս էլ իր պաշտոնակցի հետ է խոսում այդ թեմաներով»:

Էրդողանն ավելացրել է նաև, որ հակառակ այդ ամենին՝ «Ամերիկան տարածաշրջանում սխալ քաղաքականություն է վարում:

Հիշեցնենք, որ Թուրքիան Սիրիայի քրդական ուժերին՝ YPG-ին դիտարկում է ահաբեկչական կազմակերպություն՝ այն համարելով Թուրքիայում գործող «Քուրդիստանի բանվորական կուսակցության» (ՔԲԿ-PKK) ճյուղավորում սիրիական ճյուղավորում:Իսկ ԱՄՆ-ն YPG-ին համարում է կարևոր գործոն իսլամական ծայրահեղական ահաբեկիչների դեմ պայքարում ու չի դադարեցում այդ կառույցի հետ իր համագործակցությունը:

Աղբյուր` Yenişafak

Այս ենթաբաժնի վերջին նորությունները

11:26, 13 մայ

Էրդողանն ու Զելենսկին քննարկել են ռուս-ուկրաինական հնարավոր բանակցությունները

Թուրքիայի նախագահը մայիսի 12-ին հեռախոսազրույց է ունեցել Ուկրաինայի նախագահի հետ:

10:20, 13 մայ

Թուրքիայի և ԱՄՆ-ի արտգործնախարարներն անդրադարձել են ռուս-ուկրաինական բանակցություններին

Մայիսի 12-ին Հաքան Ֆիդանը հեռախոսազրույց է ունեցել Մարկո Ռուբիոյի հետ:

10:15, 13 մայ

Ալթուն. «Թուրքիան առանց ահաբեկչության գործընթացը կարևոր փուլում է»

Թուրքիայի նախագահականի հանրային կապերի վարչության ղեկավարն անդրադարձել է Թուրքիայի կողմից ահաբեկչական ճանաչված «Քուրդիստանի բանվորական կուսակցության» ինքնալուծարմանը: