Քաղաքական11:26, 13 Մայիս 2025
Էրդողանն ու Զելենսկին քննարկել են ռուս-ուկրաինական հնարավոր բանակցությունները
Թուրքիայի նախագահ Ռեջեփ Թայիփ Էրդողանը մայիսի 12-ին հեռախոսազրույց է ունեցել Ուկրաինայի նախագահ Վոլոդիմիր Զելենսկու հետ:
Զելենսկին X-ում կատարած գրառմամբ նշել է, որ քննարկել են Թուրքիայում մայիսի 15-ին կայանալիք հանդիպման մանրամասները, իսկ անձամբ ինքը շնորհակալություն է հայտնել Էրդողանին ցուցաբերած աջակցության համար:
«Հրադադարի անհրաժեշտության հարցում համակարծիք ենք»,-հավելել է նա:
Բացի այդ Ուկրաինայի նախագահը գրել է, որ թե՛ ինքը և թե՛ Էրդողանը պատրաստ են հանդիպել ՌԴ նախագահ Վլադիմիր Պուտինի հետ:
Նրա խոսքով՝ Թուրքիան և Ուկրաինան մեծ կարևորություն են տալիս Եվրոպայում երկարատև անվտանգային երաշխիքների ապահովման գործում համատեղ աշխատանքների շարունակականությանը:
Զելենսկին հանդիպման վերաբերյալ գրառման մեջ ընդգծել է նաև, որ ԱՄՆ-ի հետ ևս մշտական կապի մեջ են լինելու:
«Նախագահ Էրդողանն ու ես համաձայնեցինք խաղաղության համար մեր ջանքերը շարունակաբար գործադրելու հարցում»:
Հիշեցնենք, որ Զելենսկին ավելի վաղ, ի պատասխան Պուտինի՝ Ստամբուլում ռուս-ուկրաինական բանակցությունները վերսկսելու առաջարկի, հայտարարել էր, որ մայիսի 15-ին լինելու է Ստամբուլում և ակնկալելու է հանդիպել Պուտինի հետ:
Երբ արդեն Էրդողանը հանդիպումը կազմակերպելու համար ՌԴ նախագահին հայտնեց իր պատրաստակամությունը, ԱՄՆ նախագահ Դոնալդ Թրամփը չբացառեց իր մեկնումը Ստամբուլ:
«Եթե կարծեմ, որ Թուրքիայի հանդիպումն արդյունավետ է լինելու, հնարավոր է մեկնեմ այնտեղ (Ստամբուլ)»:
Այս ենթաբաժնի վերջին նորությունները
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Թուրքիայի նախագահը մայիսի 12-ին հեռախոսազրույց է ունեցել Ուկրաինայի նախագահի հետ:
Մայիսի 12-ին Հաքան Ֆիդանը հեռախոսազրույց է ունեցել Մարկո Ռուբիոյի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ հնարավոր այցը կապված է Նիկեայի 1-ին տիեզերական ժողովի 1700-ամյակի հետ:
Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։
Օմեր Չելիք. «Մեր պետական կառույցները մանրակրկիտ կերպով հետևելու են այս գործընթացին»:
Նախկին ԱԶԿ-ական պատգամավորը մանրամասներ է հայտնել «Քուրդիստանի բանվորական կուսակցության» ինքնալուծարման գործընթացի վերաբերյալ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |