Հարավկորեական և թուրքական ընկերությունների միջև կնքված համաձայնագիրը չեղարկվել է

Ռազմական16:06, 12 Նոյեմբեր 2021

Հարավկորեական և թուրքական ընկերությունների միջև կնքված համաձայնագիրը չեղարկվել է

Ըստ «Defense News»-ի՝ թուրքական BMC ընկերության և հարավկորեական «Doosan and S&T Dynamics» ընկերությունների միջև ստորագրված համագործակցության համաձայնագիրը չեղարկվել է։

2021 թվականի հոկտեմբերին Թուրքիան և Հարավային Կորեան ստորագրել էին համաձայնագիր՝ որի համաձայն հարավկորեկան երկու ընկերություններ պետք է թուրքական «Ալթայ» հրասայլերի համար մատակարարեին շարժիչներ և փոխանցման մեխանիզմներ: Հոկտեմբերի 22-ին Թուրքիայի ԱԳ նախարար Մևլութ Չավուշօղլուի և հարավկորեացի նախարար Կանգ Յուն Հոյի հանդիպման ժամանակ ստորագրված համաձայնագիրը չեղարկվել է։

Ընկերությունից հայտնել են, որ համատեղ արտադրության տարբերակը չի հաստատվել այնպես, ինչպես նախատեսված էր: Այժմ համաձայնություն է ձեռք բերվել կորեական արտադրության մարտկոցներ գնելու մասին: Ընկերության անանուն աղբյուրը հայտարարության մեջ նշել է.

«Մեզ մտահոգում է, որ ԱՄՆ վարչակազմը փորձում է ճնշում գործադրել Հարավային Կորեայի վրա, որպեսզի չխրախուսի տանկի շարժիչների տեխնոլոգիաների փոխանցումը Թուրքիային»։

Ընկերության աղբյուրները հայտնել են, որ հարավկորեական ընկերությունները կապահովեն «Ալթայ» տանկի ուղղակի էլեկտրականությունն ապահովող մարտկոցները և կաշխատեն տանկերում դրա ինտեգրման վրա։

Աղբյուր` Cumhuriyet

Այս ենթաբաժնի վերջին նորությունները

16:44, 26 մայ

Թուրքիան դարձել է ԱՄՆ-ի ամենամեծ զենքի մատակարարը

Թուրքիան դեռևս չի վավերացրել ՄԱԿ-ի Զենքի վաճառքի համաձայնագիրը, ինչը նրան ազատում է այս ոլորտի վերահսկումից:

11:16, 22 մայ

Թուրքիան պարզաբանել է, թե ինչու չի մասնակցի Հունաստանում կայանալիք զորավարժությանը

Թուրքիայի նախագահականի հանրային կապերի վարչության ապատեղեկատվության դեմ պայքարի կենտրոնը նշել է, որ զորավարժության սցենարը և բոլոր փուլերը իրենց հայտնի են։