Քաղաքական14:32, 04 Նոյեմբեր 2021
Էրդողանն օրակարգ է բերել իտալա-ֆրանսիական նոր սերնդի ՀՕՊ համակարգերի արտադրության ծրագրին Թուրքիայի մասնակցության հարցը
Հռոմում տեղի ունեցած G20 գագաթնաժողովից հետո Թուրքիայի նախագահ Ռեջեփ Թայիփ Էրդողանը կրկին օրակարգ է բերել իտալա-ֆրանսիական նոր սերնդի SAMP/T հեռահար ՀՕՊ համակարգերի արտադրության ծրագրին Թուրքիայի մասնակցության հարցը։
Էրդողանը գագաթնաժողովից հետո հայտարարել է, որ Ֆրանսիա-Իտալիա-Թուրքիա եռյակը դրական քայլեր են անելու պաշտպանական արդյունաբերության ոլորտում՝ մասնավորապես SAMP/T ՀՕՊ համակարգերի հարցում։ Նրա խոսքով՝ այդ դրական քայլերով այս երկու երկրների հետ Թուրքիայի առևտրաշրջանառությունն ավելի կաճի։
Ըստ թուրքական «Cumhuriyet» կայքի դիտարկման՝ Էրդողանի հայտնած «դրական քայլերի» առաջին փուլը կարող է լինել նոր սերնդի SAMP/T համակարգերի համատեղ արտադրության համար տեխնիկական հարցերով բանակցությունների վերսկսումը։ Միաժամանակ նշվել է, որ արտադրությանը Թուրքիայի մասնակցության հարցում որոշիչ է լինելու Ֆրանսիայի դիրքորոշումը, որն արդեն Հունաստանի հետ պաշտպանական ոլորտում համագործակցության պայմանագիր է կնքել։
Հիշեցնենք, որ Թուրքիան SAMP/T համակարգերի արտադրությունն իրականացնող իտալա-ֆրանսիական «Eurosam» կոնսորցիումի հետ համատեղ արտադրության մասին համաձայնագիր էր ստորագրել 2018 հունվարի 5-ին։ Թուրքիան այդ պայմանագրից ստորագրությունը հետ էր կանչել 2021թ․ մարտի 12-ին։
Այս ենթաբաժնի վերջին նորությունները
Էմինե Էրդողանը գրառման մեջ ընդգծել է երկու երկրի միջև բարեկամական հարաբերությունների կարևորությունը:
Բոցվանայի միջազգային հարաբերությունների նախարարը կմեկնի Թուրքիա և կքննարկվի Անկարայում դեսպանատուն բացելու հարցը։
Էրդողանը Վրաստանի նախագահի հետ համատեղ մամուլի ասուլիսի ընթացքում, ի թիվս այլ հարցերի, անդրադարձել է նաև մեսխեթցի թուրքերի հարցին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Մուրհեֆ Էբու Քասրան դռնփակ հանդիպում կունենա Թուրքիայի պաշտպանության նախարար Յաշար Գյուլերի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |