Թուրքիայից տասնյակ սիրիացիների կարտաքսեն սոցցանցերում «բանան ուտելու» ակցիա սկսելու համար (տեսանյութ)

Հասարակական13:39, 29 Հոկտեմբեր 2021

Թուրքիայից տասնյակ սիրիացիների կարտաքսեն սոցցանցերում «բանան ուտելու» ակցիա սկսելու համար (տեսանյութ)

Թուրքիայի ներքին գործերի նախարարությունը (ՆԳՆ) հայտարարել է սոցիալական ցանցերում «բանան ուտելու» ակցիա սկսած տասնյակ սիրիացիների արտաքսման մասին։ Նրանք մեղադրվում են «ժողովրդին ատելության և թշնամանքի դրդելու կամ նվաստացնելու» մեջ։

Սիրիացի երիտասարդներն այդ ակցիան սկսել են TikTok-ում և այլ հարթակներում։ Նրանք տարածում են տեսանյութեր, որոնցում բանան են ուտում՝ այդպիսով արձագանքելով օրեր առաջ սոցիալական ցանցերի թուրքական տիրույթում աղմուկ բարձրացրած մի ռեպորտաժի։

Թուրքական հասարակությունում սիրիացի փախստականների նկատմամբ առկա ընկալումը ցույց տվող այդ ռեպորտաժում անցորդներից մեկը դիմում է հարցազրույց տվող սիրիացի ուսանողին՝ ասելով․ «Դու ինձնից ավելի հանգիստ ես ապրում։ Ես բանան չեմ կարողանում ուտել, իսկ դուք շուկաներից կիլոգրամներով բանան եք գնում»։

Ակցիայի շրջանակում արվող այդ տեսանյութերը Թուրքիայում միգրանտների հարցերով զբաղվող վարչությունը համարել է հիմք սիրիացի երիտասարդներին արտաքսելու համար, ինչից հետո ՆԳՆ-ն հայտնել է 7 անձի ձերբակալման մասին։ Ավելի ուշ հայտարարվել է, որ հաստատվել է տեսանյութերում ներգրավված 31 անձի ինքնությունը։ Նրանցից 11-ն արդեն ձերբակալվել են։

Աղբյուր` rudaw.net

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։