Միջազգային12:08, 13 Հոկտեմբեր 2021
«Bloomberg»-ի «Էրդողանը սպասում է, որ Բայդենի հետ հանդիպմանը քննարկի զենքի պայմանագիրը»
Թուրքիայի նախագահ Ռեջեփ Թայիփ Էրդողանն Իտալիայի մայրաքաղաք Հռոմում կայանալիք Մեծ քսանյակի (G20) գագաթնաժողովի ընթացքում պատրաստվում է հանդիպել և դիմել ԱՄՆ նախագահ Ջո Բայդենին ամերիկյան տասնյակ ռազմական ինքնաթիռներ գնելու թույլտվության համար։
Այս մասին ասվում է ամերիկյան «Bloomberg»-ի «Էրդողանը սպասում է, որ Բայդենի հետ հանդիպմանը քննարկի 6մլրդ դոլլար արժողությամբ զենքի պայմանագիրը» հոդվածում։
Հոդվածում նշվել է, որ Էրդողանն այդպիսով ծրագրում է կանխել Վաշինգտոնի կողմից զենքի վաճառքի խոշոր գործարքների արգելափակումը` կապված Թուրքիայի կողմից ռուսական ՀՕՊ համակարգի գնման հետ:
Թուրքական «Sözcü» թերթը հայտնում է, որ Անկարան սեպտեմբերի 30-ին 40 միավոր նոր F-16 կործանիչներ գնելու համար պաշտոնական դիմում է ներկայացրել Վաշինգտոնին, իսկ «Bloomberg»-ի հետ զրույցում երկու բարձրաստիճան թուրք պաշտոնյաներ նշել են, որ այդ պայամանագիրը 6 միլիարդ դոլլար արժողությամբ է լինելու։ Թուրք պաշտոնյանները, սակայն, ընդգծել են, որ Ռուսաստանից Ս-400 ՀՕՊ համակարգեր գնելու և Թուրքիայի դիրքորոշման անփոփոխության պատճառով դժվար է լինելու ԱՄՆ Կոնգրեսից թույլտվություն ստանալը։
Նրանք նաև նշել են, որ գագաթնաժողովում Էրդողանն այդ հարցերից է խոսելու Բայդենի հետ, սակայն «Bloomberg»-ն ընդգծել է, որ դեռևս կողմերի միջև հանդիպման մանրամասները և ամսաթիվը չի համաձայնեցվել։
ԱՄՆ-ի պետդեպի պաշտոնյան խուսափել է մեկնաբանություն տալ այդ հարցի վերաբերյալ։
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |