Քաղաքական14:04, 28 Սեպտեմբեր 2021
Սպասվում է, որ Սոչիում Պուտինը և Էրդողանը կքննարկեն «Զանգեզուրի միջանցքի» հարցը
Մեկուկես տարվա դադարից հետո Ռուսաստանի և Թուրքիայի նախագահները դեմ առ դեմ հանդիպելու են ծովափնյա Սոչի քաղաքում սեպտեմբերի 29-ին։ Հանդիպման օրակարգում, ըստ թուրքական մամուլի բնորոշման, լինելու են բարդ հարցեր, որոնք կուտակվել էին այս ընթացքում։
Ընդդիմադիր «Cumhuriyet» թերթը նշում է, որ նախքան հանդիպումը Էրդողանն արել է երկու հայտարարություն, որից մեկը զայրացրել է Մոսկվային, իսկ մյուսը `գոհացրել: Խոսքը Ղրիմի և «S-400»ների վերաբերյալ Էրդողանի արած հայտարարությունների մասին է։ Մի դեպքում նա օգտագործել է «Ղրիմի բռնակցում» ձևակերպումը, իսկ մյուս դեպքում՝ ամերիկյան CBS հեռուստաալիքին տված հարցազրույցում, հայտնել, որ Անկարան ռուսական «S-400»ների նոր խմբաքանակ կգնի։Ղրիմի կնճռոտ հարցից բացի Մոսկվային անհանգստացնում է Թուրքական անօդաչու թռչող սարքերի վաճառքը Ուկրաինային։
Բայցևայնպես Ռուսաստանի համար օրակարգի ամենակարևոր թեման լինելու է Իդլիբում տիրող իրավիճակը։ Բանն այն է, որ 2018-ին ռուսները և թուրքերը համաձայնության էին եկել ընդդիմադիր և կառավարական ուժերի միջև բուֆերային գոտի ձևավորելու, չափավոր ընդդիմադիրներին ահաբեկչական խմբավորումներից տարանջատելու և ծանր զրահատեխնիկան դուրս բերելու հարցում։ 2018-ից ի վեր, սակայն, Մոսկվան Անկարային մեղադրում է այդ համաձայնության դրույթները կատարելու հարցում դանդաղկոտություն ցուցաբերելու համար։ Անկարան էլ իր հերթին պնդում է, որ Սիրիայի գործող վարչակազմը սպառնալիք է՝ ուղղված իր ազգային անվտանգությանը։
«Իսկ Թուրքիայի համար Սոչիում առաջնահերթ խնդիրը լինելու է բնական գազի դեֆիցիտի հրատապ փակումը։ Առջևում ձմեռ է։ Խնդիրը հրատապ է, քանի որ անցյալ տարի պաշտոնապես բացված «Թուրքական հոսք» գազամուղի գործարկման պատճառով դադարեցվել են «Անդրբալկանյան» (Արևմտյան) գազատարով ռուսական գազի մատակարարումները»,- գրում է «Cumhuriyet»-ը։
Աղբյուրը նաև նշում է, որ Սոչիում սպասվում են այնպիսի հարցերի քննարկումներ, ինչպիսիք են ռուսական զենքի նոր գնումները, Նախիջևանը Ազդրբեջանին կապող «Զանգեզուրի միջանցքը» և Լիբիայի հարցը։
Այս ենթաբաժնի վերջին նորությունները
«Կտրականապես մերժում ենք որևէ կերպ Սիրիայի ժողովրդին չներկայացնող Ժողովրդական ժողովի սանձարձակ և ապօրինի հայտարարությունը՝ ուղղված մեր երկրի տարածքային ամբողջականության դեմ»,- շեշտել է Բիլգիչը։
«Եվրախորհրդին հրավիրում ենք խուսափել ընթացք տալ այս որոշմանը, որն անկախ դատական համակարգին միջամտության բնույթի ունի»,- ընդգծվել է Թուրքիայի ԱԳՆ-ի հայտարարությունում։
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
1790թ. կառուցված, այժմ կիսավեր վիճակում գտնվող եկեղեցին 2010-ին գրանցվել է որպես պատմական հուշարձան:
Եվրախորհրդի մարդու իրավունքների հանձնաժողովը խախտում էր որակել 4 տարի անազատության մեջ պահվող թուրք գործարար Օսման Քավալայի ազատազրկման ժամկետի երկարացման որոշումը։
Նախկին պատգամավորը, սակայն, չի ընդունել իրեն առաջադրված մեղադրանքը՝ հակադարձելով, որ իր գրառումները քննադատություն են եղել՝ ուղղված իշխանությանը:
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Գործողությունն իրականացնող անձնակազմի մեջ ներառված են հոտուկջոկատայիններ, ժանդարմերիայի և ոստիկանության աշխատակիցներ:
Օրացույց
արտարժույթ
| EUR | TRY | USD |
| 549.84 | 90.05 | 485.12 |