Քաղաքական16:31, 24 Սեպտեմբեր 2021
Քրդական շարժում. «Առանց Էրդողանի դատապարտման մարդկության խիղճը չի հանգստանա»
Եվրոպայի քուրդ կանանց շարժումը (TJK-E) և MAAT for Peace կազմակերպությունը «100 պատճառ բռնապետի դատապարտման համար» արշավի շրջանակում Թուրքիայի նախագահ Ռեջեփ Թայիփ Էրդողանի դատապարտման համար Շվեյցարիայի Ժնև քաղաքում համատեղ պանելային քննարկում են անցկացրել։ Պանելային քննարկումն ընդգրկված է եղել նաև ՄԱԿ -ի մարդու իրավունքների 48-րդ նստաշրջանում:
Մանուելա Հոնգերի մոդերատորությամբ անցկացված քննարկման բանախոսներից, Եվրոպայի քուրդ կանանց շարժման միջազգային կապերի խոսնակ Մելիքե Յաշարը հայտարարել է, որ «100 պատճառ բռնապետի դատապարտման համար» արշավի նպատակը փաստերի հավաքագրումն ու բռնապետ Էրդողանի դատապարտումն է։ Նա նշել է, որ արշավն սկսելիս նպատակ են ունեցել հավաքել 100 հազար ստորագրություն, սակայն հավաքել են ավելի քան 235 հազարը։
«Էրդողանը 18 տարվա իշխանության ընթացքում միայն 100 հանցանք չի գործել։ Մենք գիտենք հազարավոր հանցանքների գոյության մասին։ Առանց Էրդողանի դատապարտման մարդկության խիղճը չի հանգստանա»,- շեշտել է Յաշարն իր ելույթում՝ թվարկելով Էրդողանի պատերազմական քաղաքականության հետևանքով մահացած կանանց անունները։
Յաշարը նշել է, որ Էրդողանի ռեժիմը պատրաստվում է մի նոր կոտորած իրականացնել Սինջարում՝ աջակցելով Իսլամական պետության ավազակախմբերին․
«Ասում եմ Էրդողանի ռեժիմ, քանի որ այնտեղ անձի բռնապետություն է։ Այնտեղ ո՛չ խորհրդարան, ո՛չ օրենք կա։ Էրդողանն իշխանության գալուց ի վեր բնության դեմ էլ է հանցագործություն գործել։ Մենք բոլորս այդ հանցագործությունների վկաներն ենք»,- շեշտել է բանախոսը և հավելել է, որ աշխարհի և հասարակության աչքերի առջև երեխաները սպանվում են միայն նրա համար, որ քուրդ են:
Նշելով, որ «Արդարություն և զարգացում» կուսակցության (ԱԶԿ-AKP) իշխանության տարիներին մեծացել է կանանց նկատմամբ ճնշումը՝ Յաշարը հայտարարել է, որ միջազգային կառույցներն ու Եվրոպան իր շահերի համար փակում են աչքերը, իսկ էրդողանը ճամբարներում ավազակախմբեր է պատրաստում և ուղարկում Սիրիա։ Նա նշել է, որ Էրդողանը փորձում է կոծկել ճշմարտությունը, սակայն անգամ հարյուր հանցագործությունը բավական է բռնապետի դատապարտման համար։ Մելիքե Յաշարը կոչ է արել միջազգային կառույցներին միջազգային պայմանագրերի համաձայն ընդունել, որ Էրդողանը բռնապետ է և դատպարտել նրան։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |