Հասարակական16:14, 31 Օգոստոս 2021
Թուրքիայի ամեն 100․000 բնակչից 357-ը բանտարկյալ է
Վերջին 6 տարիների ընթացքում Թուրքիայում 127 նոր բանտեր են գործարկվել։ Իսկ վերջին 16 տարվա ընթացքում բացված նոր բանտերի թիվը կազմում է 228։
Բայց Թուրքիայի իշխանությունները չեն պատրաստվում կանգ առնել։ Թեև բանտերում անազատության մեջ գտնվող քաղաքացիների թվով Թուրքիան Եվրոպայում արդեն իսկ բացարձակ առաջատար է, երկրում նոր բանտային համալիրների կառուցման աշխատանքներ են տարվում։
Այսպես, Այդըն նահանգի Չինե շրջանում նոր քրեակատարողական հիմնարկի կառուցման նպատակով շինարարական ընկերությունների համար մրցույթ էր իրականացվել դեռևս 2020 թվականի դեկտեմբերին։ 2021 թվականի օգոստոսին հրապարակված մրցույթի արդյունքների համաձայն՝ կնքված շինարարական նախագծի արժեքը կազմում է 296․6 մլն լիրա (շուրջ 35.7 մլն դոլար)։ Շինարարությունը մեկնարկել է օգոստոսի 20-ին և կտևի 850 օր և կավարտվի 2023 թվականի դեկտեմբերի 24-ին։
Հայտնի է նաև, որ օրեր առաջ 541․1 մլն լիրա (65.2 մլն դոլար) արժողությամբ մեկ այլ պայմանագիր էր կնքվել Քոնիայում քրեակատարողական հիմնարկ կառուցելու նպատակով։
Բացի այդ՝ 2021 թվականին պայմանագրեր են կնքվել նաև Անթալիայի Աքսեքի շրջանում և Գիրեսուն, Սիիրթ, Թունջելի, Քյութահիա, Ադըյաման նահանգներում նոր քրեակատարողական հիմնարկների կառուցման համար։
Ներկայումս Թուրքիայի բնակչության յուրաքանչյուր 100․000-ից 357-ը գտնվում է բանտերում։ Ներկայումս Թուրքիայի բանտերը կարող են տեղավորել 251․088 մարդու, բայց 2021 թվականի հուլիսի դրությամբ բանտերում գտնվողների թիվը կազմել է 287․716։ Ընդ որում, բանտարկյալներից 274․816-ը տղամարդիկ են, 11․720ը՝ կանայք, 1․630-ը՝ երեխաներ։
Այս ենթաբաժնի վերջին նորությունները
Երթին մասնակցել են ընդդիմադիր «Ժողովրդահանրապետական» և «Ժողովուրդների դեմոկրատական» կուսակցությունները ներկայացնող պատգամավորներ և կանանց խնդիրներով զբաղվող կազմակերպություններ։
Ընդդիմադիր «Ժողովրդահանրապետական» կուսակցության Մենեմենի շրջանի գլխավոր գրասենյակը հայտարարություն է տարածել՝ խստիվ դատապարտելով նմանօրինակ գործելաոճը։
«Բավական է արդեն, ցանկանում ենք գոյատևել։ Գործազրկությունը, թանկությունը, գնաճը, կոմունալ ծախսերը կոտրում են մեր մեջքը»,-բողոքել է ակցիայի մասնակիցը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հունաստանի վարչապետ Կիրիակոս Միցոտակիսը ամերիկյան «The Washington Post» թերթին տված հարցազրույցում անդրադարձել է թուրք-հունական հարաբերություններին։
«Ակնթարթ չանցած կդավաճանեն իրենց գործին, եթե դրա վերջում փող լինի»,-նշել է ԺՀԿ առաջնորդ Քըլըչդարօղլուն՝ մեղադրելով Թուրքիայի նախագահ Էրդողանին ոչ սկզբունքայնության մեջ։
Երթին մասնակցել են ընդդիմադիր «Ժողովրդահանրապետական» և «Ժողովուրդների դեմոկրատական» կուսակցությունները ներկայացնող պատգամավորներ և կանանց խնդիրներով զբաղվող կազմակերպություններ։
Նիկոլ Փաշինյանը, Վլադիմիր Պուտինը և Իլհամ Ալիևը եռակողմ հանդիպման արդյունքներով ընդունել են համատեղ հայտարարություն:
Օրացույց
արտարժույթ
| EUR | TRY | USD |
| 549.84 | 90.05 | 485.12 |