Թուրքական հեռուստաալիքի եթերում արգելվել է քրդերեն խոսել

Հասարակական15:46, 25 Օգոստոս 2021

Թուրքական հեռուստաալիքի եթերում արգելվել է քրդերեն խոսել

Թուրք հեռուստահաղորդավարուհի Դիդեմ Արսլան Յըլմազը արգելել է ուղիղ եթերում քրդերեն խոսել, ինչը վերջինիս դեմ սոցցանցերում բուռն դժգոհության ու բողոքի ալիք է առաջացրել։

«Show TV»-ի եթերում Յըլմազի հեղինակային հաղորդման ժամանակ հեռախոսազանգով եթերին միացած տարեց կինը սկսել է քրդերեն խոսել, ինչին ի պատասխան հաղորդավարուհին ասել է․ «Ոչ, ոչ։ Դա պետք է մեզ համար էլ հասկանալի լինի։ Տիկին Թյուրքանին եթերից հանեք։ Նա չի կարող այդպես խոսել։ Ոչ մի դեպքում։ Թող կարգին թուրքերեն խոսի։ Սա Թուրքիայի Հանրապետությունն է, մենք Արևելյան լեզուն չենք հասկանում։ Եթե հասկանանք, կխոսենք, բայց չենք հասկանում»։

Եթերից հետո «Twitter»-ում թուրք հաղորդավարուհու դեմ «Չափդ ճանաչիր Դիդեմ Արսլան» (#haddinibildidemarslan) հեշթեգով արշավ է սկսվել։ Օգտատերերը Յըլմազին ռասիստ են անվանել ու հիշեցրել, որ քրդերենը ոչ թե ինչ-որ անհայտ «Արևելյան լեզու» է, այլ շուրջ 50 մլն քրդերի մայրենի լեզուն, որոնցից 25 միլիոնը ապրում են հենց Թուրքիայում։

Օգտատերերից մեկն էլ գրել է․ «Խորհրդարանում արձանագրության մեջ «x» է նշվում, բանտերում՝ «անհայտ լեզու», հեռուստատեսությամբ ասում եք․ «Ոչ մի դեպքում»։ Բայց քրդերենը հազարավոր տարիներ ապրում է՝ ի հեճուկս ձեր ճնշումների․ ոչ ձեր արձանագրությունները, ոչ ձեր արգելքները այս հնագույն լեզվում որևէ հետք չեն կարող թողնել»։

Աղբյուր` diken.com.tr

Այս ենթաբաժնի վերջին նորությունները

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։