Թուրքիայի ՊՆ-ն անդրադարձել է Իրանից աֆղանստանցի փախստականների՝ Թուրքիայի սահմանը ապօրինի հատելու դեպքերին

Քաղաքական18:00, 12 Օգոստոս 2021

Թուրքիայի ՊՆ-ն անդրադարձել է Իրանից աֆղանստանցի փախստականների՝ Թուրքիայի սահմանը ապօրինի հատելու դեպքերին

Թուրքիայի պաշտպանության նախարար Հուլուսի Աքարն անդրադարձել է վերջին օրերին Իրանի կողմից աֆղանստանցի փախստականների Թուրքիայի սահմանը ապօրինի կերպով հատելու դեպքերի հաճախակիացմանը:

Աքարը նշել է, որ Իրանի սահմանի պահպանության կազմակերպումը վերանայել են և լրացուցիչ միջոցառումներ են ձեռնարկել սահմանախախտման դեպքերի դեմ պայքարելու նպատակով:

Թուրք նախարարը խոսել է նաև վերջին օրերին համացանցում տարածվող տեսանյութերի մասին, որոնցում երևում է, թե ինչպես են աֆղանցի փախստականները խմբերով անցնում Թուրքիայի սահմանը: Աքարը նշել է, որ այդ տեսանյութերի մի մասը կեղծ են և նկարահանված չեն թուրք-իրանական սահմանին:

Աքարը խոսել է նաև Թուրքիայի կողմից Քաբուլի օդանավակայանի պահպանությունը ստանձնելու մասին՝ ասելով, որ այդ խնդիրը կլուծվի առաջիկա օրերին: Նա ավելացրել է նաև, որ իրենք որևէ դեպքում չեն պատրաստվում թուրք զինվորներին վտանգի ենթարկել:

Հիշեցնենք, որ Թուրքիան առաջարկել է Աֆղանստանից ամերիկյան զորքերի և ՆԱՏՕ անդամ մյուս երկրների ուժերի դուրսբերումից հետո պաշտպանել և շարունակել աշխատեցնել Քաբուլի միջազգային օդանավակայանը:

ԱՄՆ-ն և նրա գործընկերները համաձայնության են եկել մինչև սեպտեմբերի 11-ն Աֆղանստանից օտարերկրյա զորքերի դուրսբերման ծրագրի շուրջ:

Աղբյուր` Haberler

Այս ենթաբաժնի վերջին նորությունները

21:53, 25 հուլ

Փարիզում Սիրիա-Իսրայել անվտանգային հանդիպում է սպասվում

Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:

16:20, 25 հուլ

Էրդողանը հանդիպում կունենա Պուտինի և Թրամփի հետ

Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:

13:33, 25 հուլ

Թուրքիան դատապարտել է Իսրայելին Արևմտյան ափի բռնակցման որոշման համար

Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել: