Հասարակական16:09, 03 Օգոստոս 2021
Եթե Թուրքիայում փախստականների թիվը հասնի 20 տոկոսի, երկրի տնտեսությունը դրան դիմանալ չի կարող
Թուրքիայում մարդու իրավունքներով զբաղվող փաստաբան Ալի Դեմիր Գյուլերը ահազանգում է, որ չափից մեծ թվով փախստականներ ընդունող Թուրքիան սոցիալ-տնտեսական առումով չի կարող դիմանլ դրան։
Եթե 2010 թվականին Թուրքիայում ընդհանուր առմամբ 25․000 փախստական կար, ապա 2011-ին այդ թիվը սկսեց աճել ներգաղթող սիրիացիների շնորհիվ։ 2015 թվականին Թուրքիայում ապաստանել է 1 միլիոն 800․000 սիրիացի փախստական, 2019 թվականին այդ թիվը հասել է 3 միլիոն 600․000-ի։ Այլ երկրներից եկած փաստականների թիվն էլ շուրջ 360․000 է։ Ստացվում է, որ ըստ պաշտոնական տվյալների, Թուրքիայում կա առնվազն 4 մլն ներգաղթյալ։ Եթե նրանց գումարենք նաև պաշտոնական հաշվարկներում չներառված անօրինական ներգաղթյալներին, կստացվի որ Թուրքիայում 5 մլն փախստական կա, ինչը ողջ աշխարհում ռեկորդային ցուցանիշ է։
Չնայած այս թվերին, ըստ թուրք փաստաբանի, իշխող «Արդարություն ու զարգացում» կուսակցությոնը որևէ համակարգված քաղաքականություն այս հարցում չի վարում։
«Մարդու իրավունքները խախտման հարցում առաջատարը ԱԶԿ-ի իշխանությունն է։ Գերմանիան 843․000 սիրիացի է ընդունել։ Բայց Գերմանիան որոշակի քաղաքականություն ուներ։ Նա կրթեց այդ մարդկանց, ապաստան տվեց, աշխատանք տվեց։ Ներառեց նրանց իր տնտեսության մեջ։ Մինչդեռ Թուրքիան միանգամայն հակառակն արեց, այդ մարդկանց ուղարկեց 81 նահանգներ ու ոչինչ չտվեց նրանց», - նշում է Գյուլերը։
Նրա խոսքով՝ տնտեսությունից ու ազատություններից հետո Թուրքիայի երրորդ ամենամեծ խնդիրը փախստականների հարցն է, որն առաջիկայում լուրջ խոցելիություն կարող է առաջացնել։
Փաստաբանի գնահատմամբ, եթե 2021 թվականի սեպտեմբերի ԱՄՆ-ն ու ՆԱՏՕ-ն իրենց ուժերը դուրս բերեն Աֆղանստանից, այդ երկրից ևս փախստականների մեծ հոսք կառաջանա դեպի Թուրքիա։ Եվ եթե Թուրքիան, ինչպես սիրիացիների դեպքում, խոստանա նրանց էլ ժամանակավոր ապաստան տալ, այդ հոսքի մեծ մասշտաբների կհասնի։
«Թուրքիան էլ Հորդանանի պես կարող է վերածվել մի երկրի, որի բնակչության քսան տոկոսը փախստականներն են կազմում ու այդ փախստականի կարգավիճակը սերնդեսերունդ շարունակում է։ Թե տնտեսական, թե սոցիալական առումով Թուրքիան դրան դիմանալ չի կարող», - զգուշացնում է Գյուլերը։
Նրա խոսքով՝ այդ ամենի դեմ միակ լուծումը կարճաժամկետ հեռանկարում փաստականների հետդարձի մեխանիզմների մշակումն է՝ նրանց անվտանգությունն ու հիմնարար իրավունքները պաշտպանելու պայմանով։ Իսկ երկարաժամկետ հեռանկարում պետք է հատուկ քաղաքականություն մշակել, հիմնել միգրացիայի նախարարություն, վերանայել այս հարցով միջազգային պայմանագրերը։
Այս ենթաբաժնի վերջին նորությունները
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Օրինակ՝ Ստամբուլ-Մուղլա ուղղության արժեքը ավտոբուսով կազմել է 1200 թուրքական լիրա (11.000 դրամ), իսկ ինքնաթիռով՝ 812 լիրա(7600 դրամ)։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |