Փայլան. «Վերջին 3 տարում Էրդողանը խորտակել է Թուրքիայի տնտեսությունը»

Տնտեսական12:55, 06 Հուլիս 2021

Փայլան. «Վերջին 3 տարում Էրդողանը խորտակել է Թուրքիայի տնտեսությունը»

Թուրքիայի քրդամետ «Ժողովուրդների դեմոկրատական» կուսակցության (HDP-ԺԴԿ) տնտեսական գծով փոխնախագահ, մեջլիսի պատգամավոր Կարո Փայլանը խոսել է Թուրքիայի՝ նախագահական համակարգի անցնելուց հետո անցած 3 տարիների տնտեսական ցուցանիշների մասին:

Հայ պատգամավորը հիշեցրել է Թուրքիայի նախագահ Ռեջեփ Էրդողանի խոսքերն այն մասին, որ նախագահական համակարգին անցնելուց հետո երկրի տնտեսությունը թռիչք է արձանագրելու, ապա ներկայացրել մի շարք ցուցանիշներ:

Ըստ այդմ՝

Թուրքական լիրան դոլարի նկատմամբ արժեզրկվել է 4.55-ից հասնելով 8.70լիրա/1դոլար ցուցանիշի:

Թուրքիայի տնտեսությունը աշխարհի մեծ տնտեսությունների շարքում 18-ից նահանջել է 20-րդ հորիզոնական:

Ազգային համախառն եկամուտը 860 մլր դոլարից նվազել է 700 մլրդի՝ մեկ շնչի հաշվով 10600 դոլարից նվազելով 8500-ի:

2825 լիրա (326 դոլար) կազմող նվազագույն աշխատավարձը ավելի ցածր է, քան 2865 լիրա կազմող (330 դոլար) կազմող նվազագույն զամբյուղի պարունակությունը:

2018-ին 29 մլն 265 հզ. կազմող աշխատողների թիվը 2021-ի ապրիլին կազմել է 28 մլն 83 հզ.:

Նախագահական համակարգի 3 տարում գործազուրկների թիվը 10.8%-ից հասել է 13.9 մլն-ի՝ հատելով 10 մլն-ը:

Թուրքիայի վիճակագրական ծառայության 2021-ի հունիսի տվյալներով սպառողի համար գնաճը եղել է 17.5%, իսկ արտադրողի համար՝ 42.8%: Ընդհանուր ինֆլացիայի տոկոսը 30-ից բարձր է եղել:

3 տարում էլեկտրաէներգիան թանկացել է 97, գազը՝ 93 տոկոսով:

Փայլանն այս ամենը կապել է Էրդողանի «մեկ մարդու ռեժիմի» հետ՝ հիշեցնելով տնտեսության վերաբերյալ Էրդողանի հայտնի արտահայտությունը՝ «Տնտեսության պատասխանատուն անձամբ ես եմ»:

Աղբյուր` Demkrathaber

Այս ենթաբաժնի վերջին նորությունները

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։