Հոդված14:53, 18 Հունիս 2021
Թուրք վերլուծաբան. «Էրդողանը խաղից դուրս է թողել պետական կառույցներին»
Թուրք հայտնի լրագրող, վերլուծաբան Մուրաթ Յեթքինն հերթական սյունակում անդրադարձել է Թուրքիայի նախագահ Ռեջեփ Էրդողանի պետական կառույցների գործառույթները սահմանափակող կամ դրանք շրջանցելուն միտված քաղաքականությանը:
Յեթքինն իր այս պնդումը հիմնավորել է մի շարք օրինակներով՝ սկսելով հունիսի 14-ին ՆԱՏՕ-ի գագաթնաժողովին տարբեր առաջնորդների հետ Էրդողանի հանդիպումների կազմակերպման ձևից: Թուրք լրագրողը, հղում անելով ասուլիսում Էրդողանի այն խոսքերին, որոնցով վերջինը պատմում է իր հանդիպումների մասին, նշել է, որ Թուրքիայի նախագահը նախընտրում է ինքնուրույն հաղորդակցության մեջ մտնել այլ առաջնորդների հետ՝ անտեսելով դիվանագիտական մի շարք արարողակարգեր:
«Սա ԱՄՆ-ի նախագահ Ջո Բայդենի հետ հարաբերություններում էլ է երևում: ԱՄՆ-ի նախկին նախագահ Դոնալդ Թրամփն էլ Թուրքիային ամեն տեսակի վատություն արեց, սակայն Էրդողանը կարողացավ նրա հետ հարաբերությունները լավ ներկայացնել այն բանի շնորհիվ, որ կարողանում էր ամեն հարցով ԱՄՆ-ի նախագահի հետ ուղիղ կապ հաստատել: Այսպիսով, Թուրքիայի շահերի տեսանկյունից կառավարման հետ կապված մեծ թերություն է առաջ եկել: Կարծես՝ այլ երկրների ղեկավարներին ցանկանում է ասել, որ եթե Թուրքիայի պետական կառույցների հետ չլուծված հարցեր ունեն, ապա դրանք կարող եք լուծել ուղիղ իր մոտ գնալով»,- գրում է Յեթքինը:
Նա, առաջ անցնելով, նշում է, որ Էրդողանի՝ «կառույցները արանքից հանելու» մոտեցումը, որն արդեն մտասևեռման է վերածվում, տարածվում է ոչ միայն դիվանագիտության, այլև բոլոր ոլորտների վրա:
Թուրք վերլուծաբանի խոսքով այս գործընթացը սկսվել է 2018-ին Թուրքիայի՝ նախագահական համակարգի անցնելուց հետո:
Ըստ Յեթքինի՝ քանի որ Էրողանը որևէ կախվածություն չունի խորհրդարանից, դատարաններից ու նույնիսկ սահմանադրությունից, կարծում է, որ մյուս առաջնորդներն էլ նույնպես չպետք է այդ կառույցներից կախվածություն ունենան և հետևաբար նրանցից ևս անհատական մակարդակում կայացրած որոշումներ է սպասում:
Գալով Թուրքիայի ներքին կյանքում կառույցները խաղից դուրս թողնելու հետևանքներին՝ սյունակագիրը նշում է, որ գուցե դա օգնում է երբեմն անհարկի մրցույթների ու որոշ ներդրումների դեպքում, սակայն մնացած բոլոր առումներով վնասում է, քանի որ պետական կառույցները մի շարք ոլորտներում սկսել են նախկինից ավելի դանդաղ ու ծանր աշխատել:
«Բոլոր հարցերը, մինչև անգամ սովորական առօրյա գործերի լուծումը հանրապետության նախագահին կապելու հետևանքով մի շարք լուրջ ոլորտներում հնարավոր չի լինում որոշումներ կայացնել: Անկարայի կուլիսներում պնդում են, որ Էրդողանի սեղանին ստորագրմանը սպասող հազարավոր փաստաթղթեր կան»,- գրել է Յեթքինը:
Այս ենթաբաժնի վերջին նորությունները
Ermenihaber.am-ը ներկայացնում է 2023-ի վերջին և 2024-ի սկզբին, այսպես կոչված, «Զանգեզուրի միջանցքի» մասին Անկարայից հնչած հայտարարությունները։
2023-ի սեպտեմբերի 19-ին Ադրբեջանն Արցախի հայաթափման և խնդրի վերջնական լուծման նպատակով դիմեց ուժի կիրառմանը, ինչի հետևանքով 10-նյակ հազարավոր հայեր լքեցին իրենց տները:
Թուրքիայի արտգործնախարարը պնդել է, որ Ադրբեջանի գործողությունները բացահայտ թիրախ չեն եղել էթնիկ հայ բնակչության դեմ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |