Էրդողանը Բայդենի հետ հանդիպմանը պատրաստվում է բարձրաձայնել վերջինի կողմից ցեղասպանության ճանաչման թեման

Քաղաքական14:00, 14 Հունիս 2021

Էրդողանը Բայդենի հետ հանդիպմանը պատրաստվում է բարձրաձայնել վերջինի կողմից ցեղասպանության ճանաչման թեման

Թուրքիայի նախագահ Ռեջեփ Թայիփ Էրդողանը ՆԱՏՕ-ի գագաթնաժողովին մասնակցելու նպատակով Բրյուսել մեկնելուց առաջ պատասխանել է լրագրողների հարցերին՝ ներկայացնելով, թե ինչ հարցեր է պատրաստվում բարձրացնել ԱՄՆ նախագահ Ջո Բայդենի հետ հանդիպման ընթացքում:

Իր կողմից օրակարգ բերվելիք հարցերի շարքում Էրդողանը հիշատակել է նաև «ապրիլի 24»-ի հարցը՝ նկատի ունենալով այս տարի Բայդենի կողմից ցեղասպանություն եզրույթի կիրառումը:

Էրդողանի խոսքով, իրենք ԱՄՆ-ից նման մոտեցում չէին սպասում, և դա իրենց իսկապես ցավ է պատճառել:

«Թուրքիան պատահական երկիր չէ, ՆԱՏՕ-ում ԱՄՆ-ի դաշնակիցն է: Հայերի հարցում, որոնք ոչ մի առնչություն չունեն ՆԱՏՕ-ի հետ, նման մոտեցումը մեզ վշտացնում է: Ճիշտ չի լինի, եթե հանդիպումն անցնի առանց այս հարցն օրակարգ բերելու և հիշեցնելու»,- ասել է Թուրքիայի նախագահը:

Էրդողանի խոսքով՝ հանդիպման օրակարգում կլինեն F-35 արտադրման ծրագրից Թուրքիային դուրս թողնելու հարցը, ռուսական S-400 զենիթահրթիռային ՀՕՊ համակարգերի հարցը, ինչպես նաև Աֆղանստանից ամերիկյան զորքերի դուրս բերումից հետո Քաբուլի օդանավակայանի անվտանգությունն ապահովելու պատասխանատվությունը ստանձնելու թուրքական առաջարկը:

Աղբյուր` sabah.com.tr

Այս ենթաբաժնի վերջին նորությունները

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։