Քաղաքական13:13, 10 Հունիս 2021
Չավուշօղլու. «ԱՄՆ-ն մի շարք ոլորտներում Թուրքիայի հետ համագործակցելու ցանկություն ունի»
Թուրքիայի արտգործնախարար Մևլութ Չավուշօղլուն պետական «TRT» հեռուստաալիքին տված ընդգրկուն հարցազրույցում խոսել է հունիսի 14-ին սպասվող Բայդեն-Էրդողան հանդիպման օրակարգի և սպասելիքների մասին:
Չավուշօղլուն նշել է, որ հանդիպման ժամանակ քննարկվելու է, թե երկկողմ հարաբերություններում ինչ քայլեր են անելու ԱՄՆ-ի նոր վարչակազմի կառավարման շրջանում:
Նրա խոսքով՝ երկու երկրների միջև կան խնդիրներ, որոնք սկսվել են դեռ Բարաք Օբամայի կառավարման շրջանում, շարունակվել Դոնալդ Թրամփի օրոք, իսկ Բայդենի կառավարման սկզբում այդ խնդիրներին ավելացել է «այսպես կոչված ցեղասպանություն արտահայտության կիրառումը»:
Թուրք-ամերիկյան խնդիրների շարքում Չավուշօղլուն նշել է ԱՄՆ-ի աջակցությունը Սիրիայում քրդական «Ժողովրդական ինքնապաշտպանական ջոկատներին» (YPG), Գյուլենի հարցը, որի վերաբերյալ տարիների ընթացքում որևէ արդյունք չի գրանցվել, դաշնակից երկիր Թուրքիայի նկատմամբ պատժամիջոցների կիրառումը, ինչպես նաև S-400-ի խնդիրը:
Չավուշօղլուն հայտնել է, որ թուրքական կողմի դիտարկմամբ, ԱՄՆ վարչակազմը Թուրքիայի հետ մի շարք ռազմավարական հարցերում համագործակցելու ցանկություն ունի:
«Այդ ցանկությունը մենք տեսել ենք Բլինքենի մոտ, այլ զրուցակիցների՝ պետքարտուղարի տեղակալի, անվտանգության հարցերով խորհրդականի մոտ, նույն ցանկությունն ունի նաև Բայդենը»:
Թուրքիայի ԱԳ նախարարի հաղորդմամբ՝ իրենք Բլինքենին փոխանցել են ԱՄՆ-ի և Թուրքիայի միջև առկա խնդիրները լուծելու և ռազմավարական հարաբերություններն իսկապես ռազմավարականի վերածելու վերաբերյալ իրենց տեսլականը:
Այդ առումով Չավուշողլուն հետևյալ շեշտադրումն է արել. «Բլինքենի հետ վերջին հեռախոսազրույցի ժամանակ նա ասաց, որ մեր ներկայացրած փաստաթղթի վրա աշխատելուց հետո կներկայացնեն իրենց տեսակետը: Տեսնում ենք, որ մի շարք տարածաշրջանային հարցերի շուրջ ցանկանում են սերտ համագործակցել: Դա կարող ենք անել, բայց մեր սպասելիքները նույնպես պետք է բավարարվեն»:
Չավուշօղլուն նաև նշել է, որ ԱՄՆ-ն ցանկանում է Թուրքիայի հետ համագործակցել Սիրիայի հարցում, Լիբիայում, որի հարցով Թրամփի օրոք անգամ չէր էլ հետաքրքրվում: ԱՄՆ-ի նոր վարչակարգն ի տարբերություն նախկինների, ավելի մեծ հետաքրքրություն է ցուցաբերում տարածաշրջանի նկատմամբ և, ըստ Չավուշօղլուի, ԱՄՆ-ն ոչ միայն Սիրիայում ու Լիբիայում, այլև Միջերկրականից մինչև Սև ծով, մինչև Կովկաս մի շարք ոլորտներում Թուրքիայի հետ համագործակցության ցանկություն ունի:
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |