Ցեղասպանություն11:18, 27 Ապրիլ 2021
Էրդողան. «Մարդկային ողբերգության առումով ապրիլի 24-ին ոչինչ տեղի չի ունեցել»
Թուրքիայի նախագահ Ռեջեփ Թայիփ Էրդողանը կառավարության նիստից հետո հանդես է եկել մի շարք վիճահարույց հայտարարություններով։
Անդրադառնալով ԱՄՆ նախագահ Ջո Բայդենի կողմից ապրիլքսանչորսյան ելույթում Հայոց ցեղասպանության ճանաչման փաստին՝ Էրդողանը Բայդենի ուղերձն անվանել է «անարդար և ոչ ճշմարտացի»։
Պնդելով, որ «պատմաիրավական որևէ հիմք չունեցող» այդ պատմությունները վրդովեցրել են իրեն ու իր հայրենակիցներին՝ Էրդողանը հայտարարել է, որ ԱՄՆ–ն և Եվրոպան իրենց մեղքերի ամոթից ուղղակի չեն կարող մարդկանց երեսին նայել։
Եվս մեկ անգամ հիշեցնելով «պատմությունը պատմաբանների գործն է, ոչ թե քաղաքական գործիչների․ եկեք պատմաբանների հանձնաժողով ստեղծենք» իր չընդունված առաջարկի մասին, Էրդողանը շարունակել է․
«Մարդկային ողբերգության առումով ապրիլի 24-ին ոչինչ տեղի չի ուենցել․ դա փակված հակապետական կառույցների 235 առաջնորդների կալանավորման օրն է։ Հայերն Օսմանյան պետության սահմաններից դուրս չեն ուղարկվել, նրանք ուղղակի երկրի ներսում մի տեղից տեղափոխվել են մի ուրիշ վայր․ մի շաբաթ ժամանակ է տրվել, իսկ ով հարգելի պատճառ է ունեցել, չի տեղահանվել։ Օսմանահպատակ հայերի այդ տեղահանության ընթացքում մահացած հայերի թիվը հազիվ 150․000 կազմի։
Ես փաստով եմ խոսում, հարգելի պարոն Բայդենի պես չեմ խոսում։ Մեր ձեռքում պատմական փաստաթղթեր կան, մենք ըստ դրանց ենք խոսում։ Բայդենն ի՞նչ փաստաթուղթ ունի։ Եթե ունի, թող հրապարակի»։
Մերկապարանոց պնդումներ անելով այն մասին, թե Հայոց ցեղասպանությունը փաստող որևէ կոնկրետ փաստաթուղթ կամ դատական որոշում գոյություն չունի՝ Էրդողանը հույս է հայտնել, որ ԱՄՆ-ն շուտափույթ կերպով հետ կկանգնի իր «սխալ քայլից»։
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրապարակվել է հոդված Հայաստանի տեխնոլոգիական ոլորտի զարգացման մասին։
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |