Թուրքական լրատվամիջոց. «Ցեղասպանությունը սկսվել է հայ մտավորականներից»

Ցեղասպանություն17:41, 24 Ապրիլ 2021

Թուրքական լրատվամիջոց. «Ցեղասպանությունը սկսվել է հայ մտավորականներից»

Ընդդիմադիր հրապարակումներով հայտնի թուրքական «Bianet» կայքը Հայոց ցեղասպանության 106-րդ տարելիցի առիթով անդրադարձել է ապրիլի 24-ի պատմական նշանակությանը և ներկայացրել իրողությունները՝ ժամանակագրական հաջորդականությամբ:

Հրապարակումը վերնագրվել է. «Ցեղասպանությունը սկսվել է նրանցից. հայ գրողներ և լրագրողներ»:

«Հայոց ցեղասպանության սկիզբ է համարվում այն, որ 1915թ. ապրիլի 24-ին ձերբակալվեցին և աքսորվեցին պոլսահայ մտավորականները»,- գրում է «Bianet»-ը:

Կայքում դիպաշարին կից հրապարակվել է նաև «1915 ապրիլի 24. Ստամբուլ, Չանքըր, Այաս, Անկարա» գրքի հեղինակ Նեսիմ Օվադիա Իզրայիլի կազմած անվանացանկը հայ մտավորականների, որոնք զոհ են դարձել Հայոց ցեղասպանությանը: Ցանկում մտավորականի անվան դիմաց նշվում է մասնագիտությունը, աքսորման ամսաթիվն ու վայրը, ինչպես նաև սպանության տարեթիվը:

Թուրքական լրատվամիջոցը հայտնում է, որ հիշյալ անվանացանկը բաց է ոճրագործության զոհ դարձած հայ մտավորականների անունները համալրելու համար:

Աղբյուր` bianet.org

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։