Ռուս թյուրքագետ. «Քանի դեռ զարգանում է պանթյուրքիստական գաղափարը, հայերի համար վտանգը չափազանց մեծ է»

Ցեղասպանություն11:35, 24 Ապրիլ 2021

Ռուս թյուրքագետ. «Քանի դեռ զարգանում է պանթյուրքիստական գաղափարը, հայերի համար վտանգը չափազանց մեծ է»

Ռուս քաղաքագետ, թուրքագետ Վիկտոր Նադեին-Ռաևսկին հարցազրույց է տվել Regionmonitor.com լրատվականին: Նա անդրադարձել է Ցեղասպանությունից 106 տարի անց և արցախյան 44-օրյա պատերազմի ընթացքում թուրք-ադրբեջանական տանդեմի գործունեության հետևանքով Հայաստանի համար հնարավոր սպառնալիքներին:

Նադեին-Ռաևսկին համոզված է, որ ներկա պայմաններում այս տարածաշրջանում անկախ Հայաստանի և հայ ժողովդի գոյությունը գտնվում է հանապազօրյա վտանգի տակ:

Ռուս գիտնականը կապ է տեսնում Հայաստանի և հայ ժողովրդի առաջ ծառացած այս վտանգի և Թուրքիայի վարած քաղաքականության միջև: Այս համատեքստում Նադեին-Ռաևսկին հետևյալ դիտարկումն է արել. «Քանի դեռ զարգանում է պանթյուրքիստական գաղափարը, ինչն, անխոս, զարգանում է, քանի դեռ կան այդ ծրագրերը, հայերի համար վտանգը չափազանց մեծ է:

Բանն այն է, որ Էրդողանի և Թուրքիայի իշխող վերնախավի ռազմավարությունը չի փոխվել: Եվ այդ ռազմավարությունը, ի դեպ, բազմավեկտոր է: Չպետք է կարծել, որ Թուրքիայի քաղաքականությունը հիմնված է միայն պանթյուրքիզմի վրա, դա միայն իրենց քաղաքականության մի մասն է»:

Նա նշել է, որ բացի պանթյուրքիզմից Թուրքիայի իշխանությունների գործիքակազմում տեղ ունեն նաև իսլամիզմը, կամ այսպես կոչված չափավոր իսլամը և նեոօսմանիզմը:

Աղբյուր` Regionmonitor

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։