Քաղաքական12:54, 20 Ապրիլ 2021
Le Point. Թուրքիան Ուկրաինայում դարձել է Եվրոպայի պաշտպանը
Ֆրանսիական «Le Point» պարբերականն անդրադարձել է Դոնբասում ռուս-ուկրաինական լարվածության մեջ Թուրքիայի դերակատարությանը: Ըստ թուրքական «Ensonhaber»-ի՝ հոդվածում առաջ է մղվել այն տեսակետը, ըստ որի՝ Թուրքիան Ուկրաինայում դարձել է Եվրոպայի պաշտպանը:
Նշվում է, որ Եվրամիության երկրները շեշտում են Ուկրաինային իրենց աջակցությունն ու Կիևի հետ համերաշխությունն ընդդեմ Ռուսաստանի, սակայն բավականաչափ ուժ չունեն գործնական միջամտության համար:
«Ուկրաինան միայնակ Ռուսաստանի դեմ արյան գնով պաշտպանում է իր ու Եվրոպայի ազատությունը»,- ասվում է հոդվածում:
Հեղինակը խոսել է այս պայմաններում թուրք-ուկրաինական ռազմական համագործակցության մասին՝ հիշեցնելով, որ 2019-ին Թուրքիան Ուկրաինային է վաճառել 6 «Բայրաքթար ՏԲ-2» հարվածային անօդաչու և 3 ցամաքային կառավարման կետ, 2020-ին Անկարան ու Կիևը պայմանագիր են կնքել կորվետների ու ԱԹՍ-ների արտադրական տեխնոլոգիաների փոխանակման մասին: Կիևը հետաքրքրվում է Բայրաքթարների համատեղ արտադրությամբ և նախատեսում է համատեղ արտադրված 48 ԱԹՍ գնել:
Կրկին գալով Դոնբասում վերջին զարգացումներին՝ հեղինակը շեշտել է, որ Մոսկվան, Ուկրաինայի հետ սահմանին 80 հազար զինվոր ու ծանր զրահատեխնիկա կուտակելով, Բայդենին ու Եվրոպական լիդերներին հստակ ուղերձ է հղում՝ ցանկանալով ասել, որ Ուկրաինան իր ազդեցության գոտու մի մասն է:
«Այս պայմաններում Թուրքիայի նախագահ Ռեջեփ Էրդողանը, ռուսական խախտումների զոհը դարձած Ուկրաինային օգնելով, պաշտպանում է ինքն իրեն պաշտպանել չկարողացող Եվրոպային»,- ասվում է հոդվածում:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |