Քաղաքական16:09, 15 Ապրիլ 2021
Թուրքիայի և Եգիպտոսի միջև սառույցը հալչում է. թուրքական պատվիրակությունը կմեկնի Կահիրե
Վերջին տարիներին խաթարված Եգիպտոս-Թուրքիա հարաբերությունների կարգավորման համար երկու երկրների ղեկավարությունների կողմից դրական ազդակներ են նկատվում:
Թուրքիայի արտգործնախարար Մևլութ Չավուշօղլուն լրագրողների հետ հարցուպատասխանի ժամանակ, անդրադառնալով երկկողմ հարաբերությունների թեմային ասել է, որ Եգիպտոսի ղեկավարությունը Թուրքիայից պատվիրակություն է հրավիրել: Նրա փոխանցմամբ՝ թուրքական պատվիրակությունը Եգիպտոս կմեկնի մայիսի սկզբին, ավելի ուշ ինքը հանդիպում կունենա եգիպտոսցի իր գործընկերոջ՝ Սեմիհ Շյուքրյուի հետ:
Լրագրողի այն հարցին, թե հայտնի է արդյոք ճանապարհային քարտեզը Եգիպտոսի հետ կարգավորման քայլերում, Թուրքիայի ԱԳ ղեկավարը հայտնել է, որ վճռական են տրամադրված այդ հարցում:
Նախօրեին նա խոսել էր առաջիկայում երկկողմ, այդ թվում փոխարտգործնախարարների մակարդակով փոխայցելությունների հնարավորության մասին:
Հիշեցնենք, որ ապրիլի 10-ին Չավուշօղլուի և Շյուքրյույի միջև հեռախոսազրույց էր տեղի ունեցել: Եգիպտոսը պատրաստակամություն էր հայտնել Թուրքիայի հետ միջազգային իրավունքի հիման վրա հարաբերություններ հաստատել, ինչպես նաև սկսել երկխոսություն, որից կշահեն երկու կողմերն էլ:
Կահիրեի և Անկարայի միջև հարաբերությունները սրվել էին այն բանից հետո, երբ Եգիպտոսի բանակը 2013 թվականին գահընկեց արեց Թուրքիայի նախագահ Ռեջեփ Թայիփ Էրդողանի դաշնակից, «Մահմեդական եղբայրներ» շարժման նախագահ Մուհամեդ Մուրսիին:
Այս ենթաբաժնի վերջին նորությունները
Մի շարք թուրք պաշտոնյաներ ու ընդդիմության ղեկավարներ կոշտ բառապաշարով դատապարտել են Իսրայելի վերջին օրերի գործողությունները:
Ընդդիմության առաջնորդը հայտարարել է, որ Թուրքիան կառավարվում է իշխող կուսակցության, ազգայնական կուսակցության և մաֆիայի կողմից:
Նշենք, որ Անթալիայի դիվանագիտական ֆորումն անցկացվելու է հունիսի 18-20-ը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այսօր Թուրքիան Ադրբեջանին «կիպրոսացրել է»։ Հյուսիսային Կիպրոսի պես իրենով է անում, ինչպես «ձագ» պետություն։ Բայց սրանք ուտում են նաև իրենց ձագերին։
Իսրայելի վարչապետ Բենյամին Նեթանյահուի որդին՝ Յաիր Նեթանյահուն, հայտնի է իր հակաէրդողնական հայացքներով:
2020թ. մայիս - 2021 մայիս ընկած ժամանակահատվածում ՌԴ նախագահը 14 անգամ հեռախոսազրույց է ունեցել Թուրքիայի նախագահի հետ:
Բողոքի ակցիաները տարակուսանք են առաջացրել սոցցանցերի թուրք օգտատերերի մոտ, որոնց հետաքրքրվել են, թե ինչու ցուցարարների համար չի պահպանվում փողոց դուրս գալու արգելքը:
Նշենք, որ Անթալիայի դիվանագիտական ֆորումն անցկացվելու է հունիսի 18-20-ը:
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |