Թուրքիայում 2021-ի մարտին տղամարդկանց կողմից սպանվել է 36 կին

Հասարակական15:23, 06 Ապրիլ 2021

Թուրքիայում 2021-ի մարտին տղամարդկանց կողմից սպանվել է 36 կին

Թուրքիայում շարունակվում են կանանց նկատմամբ բռնություններն ու հանցագործությունները: «Վերջ ենք տալու կանանց սպանություններին» նախաձեռնությունը տվյալներ է հրապարակել 2021-ի մարտին տղամարդկանց կողմից սպանված կանանց թվի վերաբերյալ:

Նշվում է, որ Թուրքիայում մարտին տղամարդիկ 36 կին են սպանել, որոնցից 23-ի սպանությունը տեղի է ունեցել կասկածելի հանգամանքներում:

Սպանված կանանցից 23-ի դին հայտնաբերվել է տանը, 10-ինը՝ փողոցում, իսկ մյուս 3-ի սպանության վայրի մասին տեղեկություններ չեն հաղորդվում:

Կանանցից 20-ը ստացել է հրազենային վիրավորում, 2-ին խեղդամահ են արել, 8-ին վիրավորում են հասցրել կտրող-ծակող գործիքով,իսկ մյուսներին կամ նետել են պատշգամբից, կամ հրկիզել:

Ըստ հրապարակված տվյալների՝ 9 կին էլ սեռական ոտնձգության է ենթարկվել:

Թուրքիայում փետրվարին տղամարդկանց կողմից կանանց սպանությունների թիվը 33 էր, իսկ հունվարին այդ թիվը կազմում էր 23:

Հիշեցնենք, որ միայն 2020թ. Թուրքիայում տղամարդկանց կողմից 300 կին էր սպանվել, իսկ կասկածելի հանգամանքներում 171 կնոջ դի էր հայտնաբերվել: Ընդ որում հանցագործությունների մեծ մասը կատարվել էր տներում:

Աղբյուր` gazeteduvar.com

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։