Բոսֆորի նեղուցը շրջանցող Ստամբուլի ջրանցքի կառուցման նախագիծը հաստատվել է

Քաղաքական11:25, 29 Մարտ 2021

Բոսֆորի նեղուցը շրջանցող Ստամբուլի ջրանցքի կառուցման նախագիծը հաստատվել է

Թուրքիայի շրջակա միջավայրի և քաղաքաշինության նախարար Մուրաթ Քուրումը հայտարարել է, որ Բոսֆորի նեղուցը շրջանցող նոր ջրանցքի (Ստամբուլի ջրանցք) կառուցման նախագիծը հաստատվել է։

Այդ մասին նա հայտնել է Twitter-ի էջում։ Նախարարի խոսքով՝ նախագիծը սեղմ ժամկետում իրականացնելու համար Թուրքիայի կառավարությունը կանի ամեն անհրաժեշտ քայլ։

2018թ. հունվարի 15-ին Թուրքիայի տրանսպորտի և նավագնացության նախարար Ահմեթ Արսլանը ներկայացրել էր Ստամբուլի ջրանցքի նոր երթուղին, որը պիտի անցնի Բոսֆորի նեղուցին զուգահեռ և իրար կապի Սև և Մարմարա ծովերը։

Ակնկալվում է, որ Ստամբուլի ջրանցքի նախագծի իրագործումը կավարտվի 2023թ.՝ Թուրքիայի Հանրապետության հիմնադրման 100-ամյակին, և կնվազեցնի Բոսֆորով վտանգավոր բեռ (նավթ) տեղափոխող նավերի վթարների գրանցման հավանականությունը։

Ստամբուլի ջրանցքի կառուցման անհրաժեշտությունը պաշտոնապես բացատրվում է Բոսֆորի ծանրաբեռնվածության թեթևացմամբ և վթարների գրանցման ռիսկի նվազեցմամբ:

Մի շարք երկրներ մտավախություն ունեն, որ Ստամբուլի ջրանցքի կառուցումից հետո Թուրքիան կարող է բարձրացնել Մոնտրոյի կոնվենցիայի վերանայման հարցը, որը կանոնակարգում է պատերազմական և խաղաղ ժամանակ առևտրանավերի ու ռազմանավերի անցումը սևծովյան նեղուցներով։

Թուրքիայի ընդդիմությունն էլ համոզված է, որ որ նոր ջրանցքի կառուցումը բացասաբար կանդրադառնա շրջակա միջավայրի վրա և նույնիսկ կմեծացնի երկրաշարժերի ռիսկը Ստամբուլի շրջանում:

Անցած տարի թուրքական «SONAR» հետազոտական ընկերությունն էլ Ստամբուլի 30 շրջաններում սոցհարցում էր իրականացրել Ստամբուլի ջրանցք կառուցման վերաբերյալ։ Հարցմանը մասնակցած 2069 անձինք պատասխանել էին կառուցվելիք ջրանցիք վերաբերյալ մի քանի հարցի։

Հարցվածների 53.7 տոկոսը կարծում էր, որ ջրանցքի կառուցման նախագիծը չպիտի իրականացվի։ Իսկ 35.9 տոկոսը կարծում էր, որ ջրանցքը պետք է կառուցվի։

Աղբյուր` Diken

Այս ենթաբաժնի վերջին նորությունները

16:11, 01 սեպ

Էրդողանը գոհ է Հարավային Կովկասի շուրջ տեղի ունեցած վերջին իրադարձություններից

Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:

11:26, 01 սեպ

Էրդողանը հանդիպել է Պակիստանի վարչապետի հետ

Թուրքիայի նախագահը գոհունակություն է հայտնել Պակիստանի և Հյուսիսային Կիպրոսի ինքնահռչակ թուրքական Հանրապետության միջև հարաբերությունների զարգացման վերաբերյալ։

10:39, 01 սեպ

Էրդողանը գոհ է Հայաստանի և Ադրբեջանի միջև խաղաղության գործընթացի առաջընթացից

Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Կայացել է Փաշինյան-Էրդողան հանդիպում

Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:

Էրդողանը գոհ է Հայաստանի և Ադրբեջանի միջև խաղաղության գործընթացի առաջընթացից