Թուրքիայի ԱԳ նախարար. Եգիպտոսի հետ վերկսվել են դիվանագիտական շփումները

Քաղաքական14:26, 12 Մարտ 2021

Թուրքիայի ԱԳ նախարար. Եգիպտոսի հետ վերկսվել են դիվանագիտական շփումները

Վերջին մի քանի տարիներին խաթարված թուրք-եգիպտական հարաբերությունների կարգավորման համար Թուրքիայի կողմից «դրական ազդակներ» են նկատվում:

Թուրքիայի արտգործնախարար Մևլութ Չավուշօղլուն լրագրողների հետ հարցուպատասխանի ժամանակ անդրադարձել է Թուրքիա-Եգիպտոս հարաբերությունների թեմային:

Չավուշօղլուն նշել է, որ մեկ օրում այդքան հեշտ չի լինում գործել այնպես, կարծես թե ոչինչ չի պատահել և հավելել, որ այդ ամենը ստացվում է կամաց-կամաց հանդիպումներով և ճանապարհային քարտեզի որոշմամբ:

Նրա բնական է համարում այն հանգամանքը, որ այսքան տարիների ընթացքում հարաբերություների խզված լինելու պատճառով վստահության պակաս է ձևավորվել երկու կողմերի մոտ:

«Այդ իսկ պատճառով հանդիպումներ են ընթանում որոշակի ռազմավարության, ճանապարհային քարտեզի շրջանականերում: Եգիպտոսի հետ և՛ հետախուզության, և՛ նաև արտգործնախարարությունների մակարդակով սկսել են շփումները»,-ասել է Թուրքիայի ԱԳ ղեկավարը:

Նրա խոսքով՝ մինչև այժմ ոչ Եգիպտոսից և ոչ էլ Թուրքիայից որևէ նախապայման չի ներկայացվել:

Հիշեցնենք, որ Կահիրեի և Անկարայի միջև հարաբերությունները սրվել էին այն բանից հետո, երբ Եգիպտոսի բանակը 2013 թվականին գահընկեց արեց Թուրքիայի նախագահ Ռեջեփ Թայիփ Էրդողանի դաշնակից, «Մահմեդական եղբայրներ» շարժման նախագահ Մուհամեդ Մուրսիին:

Աղբյուր` bbc.com.tr

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։