Քաղաքական14:41, 23 Փետրվար 2021
Իրանի ԱԳՆ-ն հերքել է Զարիֆի՝ «հակաթուրքական» բնույթի հայտարարության մասին շահարկումները
Իրանի արտգործնախարարությունից անանուն մի աղբյուր հայտարարություն է տարածել` հերքելով ԱԳ նախարար Մոհամադ Ջավադ Զարիֆի՝ Թուրքիայի մասին հայտարարության վերաբերյալ շահարկումները:
Այդ հայտարարության մեջ նշվում է, որ Զարիֆին վերագրվող պնդումներն անհիմն են և չունեն պատասխանի արժանի լրջություն:
Նշենք, որ մամուլում լուրեր են շրջանառվել, թե Թուրքիայի պետական «Anadolu» լրատվական գործակալության թղթակցի հարցին ի պատասխան, Զարիֆը հակաթուրքական բնույթի հայտարարություններ է հնչեցրել:
Սաուդական «Al Arabiya» հեռուստաալիքի սոցցանցի հաշիվներից մեկում հրապարակվել էր Թուրքիայի վերաբերյալ Զարիֆի հայտարարությունը. «Մենք մերժում ենք Թուրքիայի ռազմական ներկայությունն Իրաքում և Սիրիայում ու սխալ ենք համարում այս ուղղությամբ տարվող քաղաքականությունը»: Այդ պնդումը տարածվել էր մամուլում և սոցցանցերում:
Նույն ժամանակահատվածում Իրանի արտգործնախարարը Sputnik-ին տված հարցազրույցում հետևյալ դիտարկումներն էր արել, որոնք, սակայն, խեղաթյուրված են ներկայացվել տարբեր լրատվականներում:
«Մենք կարծում ենք, որ Սիրիայում և Իրաքում ուժեր ունեցող Թուրքիայի վարած քաղաքականությունը ոչ միայն չի օգնում իր անվտանգության ապահովմանը, այլև սպառնում է տարածաշրջանի անվտանգությանը»:
Զարիֆի խոսքով՝ Թուրքիայում ահաբեկչական կազմակերպությունների պատճառով առկա ու հասկանալի վախերը հաղթահարելու լավագույն միջոցը ոչ թե այլ երկրների տարածքներ ուժեր փոխադրելն է, այլ այն, որ Սիրիայի և Իրաքի բանակներն իրենց ուժերը տեղակայեն սահմանային գոտիներում»:
Այս ենթաբաժնի վերջին նորությունները
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Թուրքիայի նախագահը պատմական և օրինակելի է որակել Սիրիայի նկատմամբ պատժամիջոցների վերացման մասին Թրամփի որոշումը:
Թրամփը հայտարարել է, որ վերացվելու են Սիրիայի դեմ կիրառված պատժամիջոցները՝ հավելելով, որ այդ խնդրանքով իրեն դիմել էր Էրդողանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |