Հասարակական14:22, 19 Հունվար 2021
ԵՄ-ի ո՞ր երկրներում Թուրքիայի քաղաքացիները կարող են քաղաքացիություն ստանալ
Մեծ Բրիտանիայի՝ Եվրամիությունից դուրս գալուց հետո սահմանված մեկ տարվա անցումային ժամկետի սպառվելուց հետո Մեծ Բրիտանիայում ընկերություն հիմնելով քաղաքացիություն ստանալու հնարավորությունը Թուրքիայի քաղաքացիների համար չեղարկվեց։
Սակայն Անկարայի պայմանագիրը, որի համաձայն Թուրքիայի քաղաքացիներին տրվում էր այդ իրավունքը, շարունակում է ուժի մեջ մնալ Եվրամիության անդամ մի շարք այլ երկրների համար։
Ավելին, Իսպանիայում կարելի է բնակության իրավունք ստանալ նաև առանց ընկերություն հիմնելու։ Բայց քաղաքացի դառնալու համար պետք է ներկայացնել գործունեության պլան, հիմնել ընկերություն՝ ունենալով առնվազն 10․000 եվրո նախնական կապիտալ։ Պետք է նշել, որ այդ իրավունքն Իսպանիայում տրվում է ոչ միայն Անկարայի պայմանագրի շնորհիվ և ոչ միայն Թուրքիայի քաղաքացիներին։ Նման իրավունք ունեն նաև այլ երկրների քաղաքացիներ։
Նույն պայմանագրի շնորհիվ ուսման նպատակով Իռլանդիա մեկնող Թուքրիայի քաղաքաացիները կարող են զուգահեռ աշխատել և նույնպես ստանալ Իռլանդիայի քաղաքացիություն։ Բայց դրա համար անհրաժեշտ է, որ տվյալ անձը առնվազն երեք տարի անփոփոխ կերպով աշխատի նույն վայրում։ Դա հնարավոր է շնորհիվ այն հանգամանքի, որ Իռլանդիան 1973 թ․ դարձել է 1963թ․ Թուրքիայի ու Եվրոպական տնտեսական միության միջև ստորագրված Անկարայի պայմանագրի կողմ։
Թուրքիայի քաղաքացիները որոշակի պայմաններով կարող են քաղաքացիություն ստանալ նաև Նիդերլանդներում, որը ևս 1963թ․․ երբ կնքվել է Անկարայի պայմանագիրը, եղել է Եվրոպական տնտեսական միության անդամ։ Դրա համար նախ պետք է ընկերությւն հիմնելու թույլտվություն ստանալ և միայն 5 տարի անց հնարավոր է Նիդերլանդների քաղաքացիություն ստանալ։
2004թ․ ԵՄ-ին միացած Սլովակիայում Թուրքիայի քաղաքացիները կարող են ընկերություն հիմնելով բնակության իրավունք ստանալ։ Հինգ տարի հետո բնակությա նիրավունքը դառնում է անժամկետ, ևս երկու տարի հետո տրվում է քաղաքացիություն։
Լիտվայում հիմնված ընկերության միջոցով քաղաքացիություն կարող է ստանալ չորս անձ՝ տնօրենն ու բաժնետերերը։ Այդ իրավունքը, անկախ Անկարայի պայմանագրից, տրված է բոլոր երկրների քաղաքացիներին։ Եթե ընկերության հիմնադիրները մեկը կամ երկուսն են, պետք է ունենան առնվազն 28․000 եվրո նախնական կապիտալ, երեք կամ չորս հիմնադրի դեպքում կապիտալը պետք է կազմի 48․000 եվրո։ Հիմնադիրներին սկզբում տրվում է մեկ տարվա բնակության իրավունք, հետո այդ ժամեկտը երկարաձգվում է երկու անգամ՝ երկուական տարով։ Հինգ տարի անց տրվում է անժամկետ բնակության իրավունք, իսկ տասը տարի անց՝ քաղաքացիություն։
Թուրքիայի քաղաքացիները կարող են նաև Բելգիայում և Մալթայում ընկերություն հիմնելով քաղաքացիություն ստանալ։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |