Հունաստանը ԱՄՆ-ին հնարավորություն է տվել ռազմավարական տեսանկյունից փրկվելու թուրքական գերությունից

Քաղաքական12:02, 21 Դեկտեմբեր 2020

Հունաստանը ԱՄՆ-ին հնարավորություն է տվել ռազմավարական տեսանկյունից փրկվելու թուրքական գերությունից

Հունաստանի արտգործնախարար Նիկոս Դենդիասը հայտարարել է, որ ԱՄՆ-ի կողմից Թուրքիայի դեմ պատժամիջոցներ սահմանելու գործում իր դերակատարությունն է ունեցել նաև Աթենքը: Դենդիասի խոսքով՝ նախորդ տարի ԱՄՆ-Հունաստան Պաշտպանական համագործակցության պայմանագրում կատարված փոփոխությունների շնորհիվ Վաշինգտոնի համար Թուրքիայի դեմ պատժամիջոցներ սահմանելու հարցում համապատասխան ենթակառուցվածքներ են ապահովվել:

Խոսքը վերաբերում է հունական Կրետե կղզում ԱՄՆ-ի ռազմաբազայի ծավալների ընդլայնմանը և Ալեքսանդրուպոլիս նավահանգստում ամերիկյան կողմին տրամադրված մի շարք արտոնություններին:

«Հունաստանը ԱՄՆ-ին ռազմավարական տեսանկյունից թուրքական գերությունից փրկվելու հնարավորություն է տվել»,- ասել է Դենդիասը: Ըստ նրա՝ պատժամիջոցներից հետո ամերիկա-թուրքական հարաբերություններն արդեն այլ կլինեն, և հավասարակշռությունները կփոխվեն:

«Թուրքիայի պաշտպանական արդյունաբերության ու տնտեսության վրա այդ որոշման ազդեցությունը ժամանակի ընթացքում կդրսևորվի»,- եզրափակել է Հունաստանի արտգործնախարարը:

Աղբյուր` Hurriyet

Այս ենթաբաժնի վերջին նորությունները

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:

12:39, 15 մայ

Ռուտտեն անդրադարձել է ռուս-ուկրաինական բանակցություններում Թուրքիայի դերին

Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով: