Թուրքիան Փարիզում նոր դեսպան է նշանակել Մակրոնի համակուրսեցուն

Քաղաքական14:05, 09 Դեկտեմբեր 2020

Թուրքիան Փարիզում նոր դեսպան է նշանակել Մակրոնի համակուրսեցուն

Թուրքիայի արտգործնախարար Մևլութ Չավուշօղլուն 54 դեսպանություններում և մշտական ներկայացուցչություններում նոր նշանակումներ է արել։

Վերջին ժամանակաշրջանում թուրք-ֆրանսիական հարաբերություններում առկա լարվածությունը թուլացնելու համար Թուրքիան Փարիզում նշանակել է նոր դեսպան։

Ֆրանսիայում Թուրքիայի ներկայիս դեսպան Իսմայիլ Հաքքը Մուսային կփոխարինի արտակարգ և լիազոր դեսպան Ալի Օնաները։

Հատկանշական է, որ Օնաները Ֆրանսիայի նախագահ Էմանուել Մակրոնի համակուրսեցին է եղել։ Ֆրանսիական «Le Point» թերթը թուրք դեսպանի նշանակման լուրը հետևյալ վերնագրով է լուսաբանել․

«Էմանուել Մակրոնի թուրք ընկերը Փարիզում դեսպան է նշանակվել»։

Իսկ թուրքական մամուլը գրում է, որ այդ նշանակմամբ հնարավոր է նոր էջ բացվի թուրք-ֆրանսիական հարաբերություններում։

47-ամյա թուրք դիվանագետ Ալի Օնաները 2002-2004թթ․ Էմանուել Մակրոնի հետ սովորել է Ֆրանսիայի Կառավարման ազգային դպրոցում (ENA)։

Աղբյուր` Ermenihaber.am

Այս ենթաբաժնի վերջին նորությունները

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:

12:39, 15 մայ

Ռուտտեն անդրադարձել է ռուս-ուկրաինական բանակցություններում Թուրքիայի դերին

Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով: