Հասարակական16:58, 07 Դեկտեմբեր 2020
Հայտնի է դարձել Ստամբուլում ռուսական НТВ-ի աշխատակիցների ձերբակալության պատճառը
Օրեր առաջ Ստամբուլում ձերբակալվել էին ռուսական «НТВ» հեռուստաընկերության աշխատակիցները, ինչից հետո հեռուստաընկերության հետ նրանց կապը ընդհատվել էր։
«НТВ-ի «Центральное телевидение» ծրագրի լրագրող Ալեքսեյ Պետրոշկուն և օպերատոր Իվան Մալիշկինը դեկտեմբերի 3-ից Ստամբուլից դադարեցին կապի դուրս գալ։ Նրանց հետ վերջին լիարժեք կոնտակտը եղել է հինգշաբթի ժամը 12։22-ին, որի ընթացքում հայտնել են, որ իրենց ձերբակալել են և տանում են անհայտ ուղղությամբ», — ասված էր ՌԴ ԱԳՆ ֆեյսբուքյան պաշտոնական էջում տեղադրված հայտարարության մեջ։
Նշվում էր նաև, որ Անկարայում ՌԴ դեսպանատունը և Ստամբուլում ՌԴ գլխավոր հյուպատոսարանը մշտական կապի մեջ են թուրքական իշխանությունների հետ՝ փորձելով պարզել լրագրողների ձերբակալման հնարավոր պատճառները և գտնվելու վայրը։
Ուրբաթ երեկոյան Ստամբուլի ղեկավարությունը հաստատեց, որ Ռուսաստանի երկու քաղաքացիներ ձերբակալվել են ԱԹՍ-ների արտադրամասի տարածքում չթույլատրված նկարահանումներ իրականացնելու պատճառով։ Լրագրողների ձերբակալության ժամկետը սահմանվել է 3 օր։ Նրանց կարող են լրտեսության մեղադրանք առաջադրել։ Ըստ հայտարարության՝ դեպքի հետ կապված հետաքննությունը շարունակվում է։ Որոշ աղբյուրներ պնդում են, որ գործն արդեն դատարան է ուղարկվել, սակայն թուրքական դատարանը դեռևս այն վարույթ չի ընդունել։
Թուրքիայի ԱԳՆ-ին հղում կատարող ռուսական լրատվամիջոցները հայտնում են նաև, որ «НТВ»-ի աշխատակիցները ձերբակալվել են այն շրջանում, որտեղ «Baykar Savunma» ռազմական անօդաչուներ են արտադրվում։ Այդ տարածքում լուսա-տեսանկարահանումները արգելված են։
Այս ենթաբաժնի վերջին նորությունները
1961-ից 2021-ն ընկած ժամանակահատվածում ամենաշատ աճը ծնելիության մակարդակում գրանցվել է Սաուդիան Արաբիայում. այն կազմել է 7.63 գործակից:
«Տեղեկատվության անվտանգության մասնագետի» համար պահանջվող սերտիֆիկատը կարող են ձեռք բերել միայն «Սպիտակ հաքեր» անունով հայտնի մասնագետները:
Նշված ժամանակահատվածում Թուրքիան հյուրընկալել է ավելի քան 4 մլն տուրիստ, որից շուրջ 438.000-ը եղել է իրանցի:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիայում իշխող կուսակցության հետ դաշինքի մեջ գտնվող MHP-ի առաջնորդն անդրադարձել է վերջերս Իրանի և Իսրայելի միջև ծագած լարվածությանը:
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Ի լրումն հարվածային գործառույթների՝ «KEMANKEŞ 2-» հրթիռը կարող է օգտագործվել տվյալների հավաքագրման և փոխանցման համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |