Քաղաքական00:54, 08 Նոյեմբեր 2020
Թուրքիայի և Ռուսաստանի նախագահներն Արցախի թեմայով հեռախոսազրույց են ունեցել
Թուրքիայի և Ռուսաստանի նախագահները հեռախոսազրույց են ունեցել։ Թուրքիայի նախագահականի մամուլի ծառայության տեղեկացմամբ՝ Վլադիմիր Պուտինը և Ռեջեփ Թայիփ Էրդողանը քննարկել են ռուս-թուրքական հարաբերությունները և Լեռնային Ղարաբաղում տիրող իրավիճակը, ինչպես նաև տարածաշրջանային զարգացումները։
Էրդողանը նշել է, որ հայերը պիտի «վերադարձնեն Ադրբեջանի տարածքները», իսկ Հայաստանի իշխանություններին հարկավոր է համոզել ողջամիտ բանակցությունների գնալ։ Ըստ Թուրքիայի նախագահի՝ ղարաբաղյան հակամարտության լուծումն ավարտին հասցնելը առանցքային նշանակություն ունի տարածաշրջանի կայունության ապահովման տեսանկյունից։
Ռուսաստանի նախագահի մամուլի ծառայությունից էլ հայտնում են, որ Պուտինը թուրք գործընկերոջը տեղեկացրել է Ադրբեջանի և Հայաստանի առաջնորդների հետ մի շարք հեռախոսային շփումների մասին:
«Այդ շփումները նպատակաուղղված էին մարտական գործողությունների շուտափույթ դադարեցման և քաղաքական-դիվանագիտական կարգավորման լուծման ուղիների որոնմանը։ Հաստատվել է հակամարտության խաղաղ կարգավորման հասնելու նպատակով փոխգործակցության փոխադարձ պատրաստակամությունը», – ասված է Կրեմլի հաղորդագրության մեջ։
Նախագահների հեռախոսազրույցին հաջորդել է երկու երկրների արտգործնախարարների հեռախոսազրույցը։ Թուրքիայի արտաքին քաղաքական գերատեսչության ղեկավար Մևլութ Չավուշօղլուն ռուս գործընկերոջ՝ Սերգեյ Լավրովի հետ քննարկել են Լեռնային Ղարաբաղի հակամարտության գոտում տիրող իրավիճակը։
Այս ենթաբաժնի վերջին նորությունները
Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:
Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով:
ԱՄՆ նախագահը Դոհայում հայտարարել է, որ հարմար լինելու պարագայում ուրբաթ օրը կարող է մեկնել Թուրքիա:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Հայտնի են խաղաղության շուրջ մայիսի 15-ին կայանալիք ռուս-ուկրաինական բանակցությունների կազմերը:
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |