Հասարակական23:40, 15 Հոկտեմբեր 2020
Արցախի մասին թուրք ֆուտբոլիստի գրառմանն արձագանքել է գերմանական թերթը
Լոնդոնի «Արսենալ»-ի թուրք ֆուտբոլիստ Մեսութ Օզիլի՝ արցախյան հակամարտության մասին սոցցանցում արած սկանդալային գրառումն առաջացրել է դժգոհություն ոչ միայն մարզաշխարհում, այլ նաև գերմանական մամուլում:
Օզիլը սոցցանցում սադրիչ և անհիմն գրառում է արել Արցախում սկսված ռազմական գործողությունների վերաբերյալ. «Ինձ համար կարևոր է, որ աշխարհում բոլորն իմանան այն փաստը, որ Լեռնային Ղարաբաղ տարածաշրջանն իրավականորեն ու միջազգայինորեն ճանաչված է որպես Ադրբեջանի մաս, բայց այժմ դա ապօրինաբար օկուպացված է»։
Գերմանական NTV թերթը, անդրադառնալով թուրք ֆուտբոլիստի հիշյալ գրառմանը, նշել է․ «Օզիլը փաստորեն ստանձնել է Էրդողանի դեսպանը լինելու դերը»։
Այս գրառումից հետո ֆուտբոլիստի երկրպագուներն անգամ սկսել են նրան մեղադրել միջազգային ահաբեկչությանն աջակցելու մեջ:
Սա առաջին դեպքը չէ, երբ Օզիլը ներգրավվում է նման քաղաքական սկանդալի մեջ։ Մասնավորապես մեկ տարի առաջ նույն թուրք ֆուտբոլիստը որոշել էր հեռանալ Գերմանիայի ֆուտբոլի հավաքականի կազմից։ Այդ որոշումը նա կայացրել էր Թուրքիայի նախագահ Ռեջեփ Թայիփ Էրդողանի հետ արված համատեղ լուսանկարի առթիվ Գերմանիայում բուռն քննադատությունների ենթարկվելու պատճառով։
Ընդ որում լուսանկարն արվել էր Թուրքիայի արտահերթ ընտրություններից առաջ։ Գերմանիայում լուսանկարը դրական արձագանք չունեցավ, քանի որ կարծիք կար, որ Օզիլ-Էրդողան հանդիպումը քաղաքական ենթատեքստ է ունեցել։ Շատերը կարծում էին, թե Օզիլի միջոցով Էրդողանը փորձել է Գերմանիայում նախըտրական քարոզչություն իրականացնել։
Օզիլը ոչ վաղ անցյալում հայտնվել էր նաև Չինաստանի իշխանությունների ուշադրության կենտրոնում։ Մեկ տարի առաջ Օզիլն իր էջերից մեկում գրառում էր արել, որտեղ աջակցությունն էր հայտնել Չինաստանում ապրող թյուրքական ծագում ունեցող ույղուրներին։ Օզիլը Պեկինին մեղադրել էր ույղուրների նկատմամբ բռնաճնշումներ իրականացնելու մեջ, ինչն էլ զայրացրել էր չինական իշխանություններին։ Բանը հասել էր նրան, որ Չինաստանում անգամ փակվել էին «Արսենալ»-ի ֆան ակումբները, իսկ «Արսենալ»-ի խաղերի հեռարձակումը չինական հեռուստաընկերություններով որոշ ժամանակով արգելափակվել էր։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |