Էրդողան. «Ղարաբաղի հարցը Կովկասում վերջին 30 տարվա ամենակարևոր ճգնաժամն է»

Քաղաքական13:42, 08 Հոկտեմբեր 2020

Էրդողան. «Ղարաբաղի հարցը Կովկասում վերջին 30 տարվա ամենակարևոր ճգնաժամն է»

Թուրքիայի նախագահ Ռեջեփ Թայիփ Էրդողանը հոկտեմբերի 7-ին Կատար այցելելիս հարցազրույց է տվել տեղի անգլալեզու «The Peninsula» թերթին, որտեղ անդրադարձել է նաև հայ-ադրբեջանական պատերազմական գործողություններին:

Էրդողանը, հերթական անգամ մեղադրել է Հայաստանին «Ադրբեջանի հողերն օկուպացնելու» մեջ, ասելով, թե իբրև բախումները սկսվել են այն բանից հետո, երբ Հայաստանը հարձակվել է Ադրբեջանի բնակավայրերի վրա:

Իսկ Ադրբեջանին աջակցելու մասով Էրդողանն ասել է հետևյալը. «Թուրքիան ինչպես նախկինում, այնպես էլ սրանից հետո «մեկ ազգ, 2 պետություն» սկզբունքով աջակցում է ադրբեջանական պետությանն ու ժողովրդին: Մենք մեր բոլոր միջոցներով շարունակելու ենք աջակցություն ցուցաբերել մեր ադրբեջանցի եղբայրներին»:

Ըստ Թուրքիայի նախագահի դիտարկման՝ ղարաբաղյան հիմնախնդրի կարգավորմամբ զբաղվող պետությունները, միջազգային կառույցները այդ խնդիրը դատապարտել են անլուծելիության: Ուստի նա կարծում է, որ հիմնախնդիրը վերջնական լուծելու համար անհրաժեշտ է կիրառել ՄԱԿ-ի բանաձևերն ու միջազգային իրավունքը:

Ղարաբաղի հարցը Կովկասում վերջին 30 տարվա ամենակարևոր ճգնաժամը համարող Էրդողանը նշել է. «Թյուրք ժողովրդի նկատմամբ ամեն առիթով հարձակողական ու թշնամական դիրքորոշում ցույց տվող Հայաստանը տարածաշջանային խաղաղությոն ու կայունության ամենամեծ խոչընդոտն է»:

Նա անդրադարձել է նաև Հայաստանի կողմից հնչող այն մեղադրանքներին, որոնք փաստում են արցախյան ճակատում ռազմագործողությունների մեջ Թուրքիայի ներքաշված լինելը։ Էրդողանը հրաժարվել է դրանք ընդունել և նշել է, թե իբր Հայաստանը նման քայլերի գնում է ելնելով անճարությունից։

Աղբյուր` Ermenihaber.am

Այս ենթաբաժնի վերջին նորությունները

14:30, 06 օգոս

Սիրիացի նախարար. «Թուրքիայի հետ համագործակցությունը պարտադիր անհրաժեշտություն է»

Նիդալ Շաարը նշել է, որ Սիրիայի վերակառուցման գործընթացում Թուրքիային տեսնում են որպես տարածաշրջանի ամենակարևոր տնտեսական դերակատար:

12:49, 06 օգոս

Մոսկվայում նշում են Էրդողան-Պուտին գործընկերային շփումների 21-րդ տարին

Այդ առթիվ կազմակերպված կլոր սեղանի ընթացքում կվերլուծվեն վերջին տարիներին գրանցված հաջողություններն ու մարտահրավերները։

11:56, 06 օգոս

ԱՄՆ Պետդեպի մամուլի խոսնակը անպատասխան է թողել Թուրքիայի վերաբերյալ հարցը

Հարցը վերաբերել է «Քուրդիստանի բանվորական կուսակցության» զինաթափման գործընթացը քննարկելու համար հանձնաժողովի ստեղծմանը։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Արցախի 44-օրյա պատերազմին մասնակցած թուրք գեներալի կոչումը բարձրացվել է

Թուրքական մամուլում Բահթիյար Էրսայը բնութագրվում է որպես «ղարաբաղյան հաղթանակի ճարտարապետ»։

Թուրքիայում փորձել են հրկիզել Սուրբ Սոֆիա տաճարը (Տեսանյութ)

Մզկիթում այրվող գիրքն ու գորգը նկատել է մի կին և սկսել բղավել։

ԱՄՆ կարող է 100% երկրորդային մաքսատուրք սահմանել Թուրքիայի նկատմամբ

ԱՄՆ նախագահ Դոնալդ Թրամփի վարչակազմը նախազգուշացրել է, որ եթե մինչև օգոստոսի 8-ն Ուկրաինայում հրադադար չհաստատվի Ռուսաստանի հետ առևտրի մեջ գտնվող երկրներից գանձվող հարկերը կմեծանան: