Էրդողանը հեռախոսազրույց է ունեցել Մակրոնի հետ

Քաղաքական10:12, 23 Սեպտեմբեր 2020

Էրդողանը հեռախոսազրույց է ունեցել Մակրոնի հետ

Միջերկրական ծովի արևելյան հատվածում թուրք-հունական հարաբերություններում առկա լարվածության ֆոնին սրվել են նաև թուրք-ֆրանսիական հարաբերությունները: Թուրքիայի բարձրաստիճան ղեկավարությունը շարունակում է սադրիչ հայտարարություններ անել և մեղադրանքներ հնչեցնել ֆրանսիական կողմին:

Թեմայի շուրջ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ: Հանդիպմանը կողմերը քննարկել են թուրք-ֆրանսիական և Թուրքիա-ԵՄ հարաբերություններին առնչվող մի շարք հարցեր, մասնավորապես Արևելյան Միջերկրականի հարցը և տարածաշրջանային վերջին զարգացումները:

Էրդողանը պնդել է, որ Արևելյան Միջերկրականի լարվածության պատճառն այն է, որ իբր անտեսվում են տարածաշրջանում Թուրքիայի և Կիպրոսի թուրքերի «օրինական իրավունքները»:

Նրա խոսքով՝ Թուրքիան ոչ մեկի ունեցվածքի վրա աչք չի դրել և թույլ չի տա նաև, որ «իր իրավունքները ոտնահարվեն»:

Թուրքիայի նախագահը, կրկնելով նախկինում հնչեցրած նմանօրինակ հայտարարությունները, ասել է. «Խնդիրների կարգավորման հարցում մենք կողմ ենք երկխոսությանն ու փոխգործակցությանը»:

Աղբյուր` diken.com.tr

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: